Vox Andaluziako Parlamentuan sartu da, eta gehiengo osoa eman dio eskuinari
PSOEren hondoratzeak jokaleku berria ireki du Andaluzian. 14 eserleku galdu ditu, eta 1982tik lehenengo aldiz % 30tik behera geratu da Andaluziako hauteskunde batzuetan. 37 urteren ostean, sozialistak gobernutik irten litezke.
Vox indarrez sartu da Parlamentuan, 12 diputaturekin. PPk, Ciudadanosek eta Voxek PSOE Andaluziako Juntako gobernutik kanporatzeko akordioa lortu lezakete.
Emaitzak
PSOEk irabazi ditu Andaluziako hauteskundeak, botoen % 28,4rekin, 33 eserleku lortuta. Beraz, 2015ean baino 14 eserleku gutxiago eskuratuta.
Sozialisten beherakada handiak eskuineko alderdiek gehiengo osoa lortzea ahalbidetu du, 59 eserlekurekin. Andaluziako Parlamentuan gehiengo osoa izateko 55 eserleku behar dira.
PPk 26 diputatu eskuratu ditu —aurreko hauteskunde autonomikoetan baino 7 gutxiago—, botoen % 20,62rekin.
Ciudadanosek 21 eserleku lortu ditu —2015ean baino 11 gehiago—, botoen % 18,06rekin.
Adelante Andaluciak 17 diputatu izango ditu, botoen % 16,17rekin. Orain dela lau urte, Podemosek eta IULV-CAk 20 eserleku lortu zituzten, orain baino 3 gehiago.
Vox izan da hauteskundeetako ustekabe handia. Botoen % 10,85 lortu dute eta 12 eserleku izango dituzte Andaluziako Parlamentuan.
Eskualdeka, PSOEk zortzi probintzietatik zazpitan irabazi du: Kordoban, Granadan, Malagan, Huelvan, Cadizen, Sevillan eta Jaenen. Alderdi Popularra, berriz, Almerian gailendu da. Aipatzekoa da probintzia horretan VOX hirugarren indar dela, sozialisten atzetik. Sevillan, PPri aurrea hartzea lortu du Adelante Andaluciak, bigarren postua eskuratuta. Cadizen, Ciudadanos, Adelante Andalucia eta PP alderdien arteko berdinketa jazo da, hiruna diputatu lortu dituzte eta.
Hiriburuei dagokienez, PP alderdi bozkatuena izan da lautan: Almeria, Kordoba, Granada eta Jaen. PSOEk Huelvan, Sevillan eta Malagan —2015ean PP izan zen garaile— irabazi du, eta Almerian eta Jaenen bigarren geratu da. Adelante Andalucia izan da bozkatuena Cadizen, eta bigarren indar Sevillan. Ciudadanos (Cs) bigarren postuan geratu da Cadizen, Kordoban, Granadan, Huelvan eta Malagan.
Aipagarria Voxek El Ejidon (Almeria) lortu duen garaipena (botoen ia % 30 eskuratu du). PPk Marbellan (Malaga) zuen nagusitasuna galdu du, PSOEren mesedetan. Bestalde, Ciudadanos lehen indar izatea lortu du Jerez eta Chiclana de la Frontera herrietan (Cadiz) —2015ean, laugarren indarra zen—.
Behera egin du parte-hartzeak
Parte-hartzea % 58,65koa izan da, datu baxuena 1990tik Andaluziako hauteskundeetan eta 2015ean baino 3,7 puntu gutxiago.
Abstentzioa, beraz, % 41,35ekoa izan da.
Datu ofizialak, atzeratuta
22:15 arte ez dira lehenengo datu ofizialak jakitera eman, behin Sanlucar de Barramedako (Cadiz) hauteslekuak itxi direnean. Atzerapena izan dute bertan, zenbait mahaitan Equoko boto-txartelak falta zirelako.
Bestalde, Andoni Ortuzarrek ere Andaluziako hauteskundeetako emaitzak aztertu ditu.
Zure interesekoa izan daiteke
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta 1,03 milioi pertsonak dute botoa emateko eskubidea. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.