Susana Diaz: 'Irabazi arren, gau tristea da sozialistontzat'
Susana Diaz PSOEko hautagaiak (33 eserleku) Andaluzian eskuin muturra gelditzeko deia egin die alderdiei, eta PPri eta Ciudadanosi etorkizuneko gobernua Voxekin lotuko duten argitzeko eskatu die.
Galderarik onartu ez duen hitzaldi batean, PSOEko agintariz eta militantez inguratuta, Diazek esan du bere alderdiak hauteskundeak irabazi dituela eta ezkerraren atzerakadaren arrazoia parte-hartze txikia izan dela.
Hautagai sozialistak aurreratu du astelehenetik aurrera alderdi guztiekin hitz egingo duela, eta Andaluziako hurrengo gobernua "eskuin muturrarekin" lotzeko prest dauden argitzeko eskatu die PP eta Ciudadanos alderdiei.
Aldaketa gidatu nahi du Morenok
Juanma Moreno PPko hautagaiak (26) nabarmendu duenez, Andaluzian "aldaketak irabazi" du, PPk, Ciudadanosek eta Voxek osatu ahalko luketen hirukoak gehiengoa izango bailuke. Juntako presidentea izateko hautagaitza aurkeztuko duela iragarri du.
Txalo eta "Bai, bai, hemen da aldaketa" oihu artean hartu dute jarraitzaileek, jendez gainezka zegoen prentsa aretoan. Andaluziak aldaketa nahi duela eta aldaketa egongo dela nabarmendu du Morenok, eta Parlamentuan ordezkaritza lortu duten talde guztiekin lanean hasiko dela adierazi du, "helburu batekin: gehiengo alternatiboa lortzea".
Marin inbestidurara aurkeztera animatu du Riverak
Juan Marin Ciudadanoseko hautagaia (21) euforiaz hartu dute jarraitzaileek, "orain bai" eta "presidente, presidente" oihu artean. Horren hitzetan, "soilik zentroko proiektu batetik zuzendu daiteke aldaketa, proiektu moderatu, zentzuzko eta konstituzionalista batetik".
Albert Rivera alderdiko presidentea ere ondoan zuela iragarri duenez, Ciudadanosek Andaluziako Juntako burua izateko hautagaitza aurkeztuko du inbestiduran, "gora egiten duenak zuzendu behar baitu aldaketa", horren hitzetan.
"Eskuin muturrari aurre egingo" diotela esan du Rodriguezek
Teresa Rodriguez Adelante Andaluciako hautagaiak (17) Podemosek eta IUk osatzen duten koalizioaren eginkizuna "eskuin muturrari aurre egitea" izango dela esan du. "Ez dira pasatuko!" oihu antifaxista entzun da aretora sartu denean.
"Gehien arduratzen nauena ez da hiru diputatu gutxiago lortu izana, baizik eta Andaluziari gertatuko zaiona", esan du Rodriguezek, Podemosek (15) eta IUk (5) 2015ean eskuratutako 20 eserlekuei erreferentzia eginez.
"Argi eta garbi salatuko dugu eskuin formaltzat hartutako alderdiek (eskuin muturraren) ildo beretik aritzea; arrazakeria, matxismoa, transfobia edota homofobia direnean, aurrean izango gaituzte", esan du.
"Errekonkistaz" hitz egin du Voxeko hautagaiak
Francisco Serrano Voxeko hautagaiak (12) bere alderdia "Andaluzian aldaketa egoteari bide emango diona" izango dela esan du. "Errekonkista" deitu dio Serranok aldaketa horri.
Sevillako hotel batean, jarraitzaileen aurrean, hauxe esan du eskuin muturreko hautagaiak: "Esaten egon gara, gaur gauean historia egingo genuela, eta zuei esker egin dugu".
"Gaur, hemen, aldaketaren aldeko benetako Andaluzia dago bilduta. Gehiegi generaman betikoarekin. Gu gara aldaketari bidea emango diona, hobekuntza, Errekonkista", adierazi du.
"Alderdi birsortzailea gara, ez hortik guri buruz esaten dutena, eta orain da ozen esateko garaia, hona heldu garela geratzeko, eta Voxi esker Andaluzian marmotaren eguna bukatu dela", gaineratu du.
Zure interesekoa izan daiteke
Ibone Bengoetxea: “Lege honen espiritua segurtasun juridiko handiagoa eskaintzea da, exijentzia gehiago ezarri gabe”
Lehendakariordeak, EAJk eta EH Bilduk euskararen segurtasun juridikoa bermatzeko akordioaren balioa nabarmendu dute; PSEk, PPk, Sumarrek eta Voxek, berriz, lege-aldaketa zalantzan jarri dute.
Eusko Legebiltzarrak lan eskaintza publikoetan euskararen babesa indartzeko erreforma onartu du
Euskal Enplegu Publikoaren Legearen aldaketak, EAJk bultzatua, hizkuntza eskakizunen segurtasun juridikoa indartu nahi du. Testua aurrera atera da EAJren babesarekin eta EH Bilduren abstentzioarekin, eta PSEk, Eusko Jaurlaritzako EAJren bazkideak, kontrako botoa eman du.
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak bota dizkiote elkarri Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta sozialistak erantzun dio Alderdi Popularraren sortzailea aita "torturatu eta erbesteratu zuen diktadurako gobernuaren" parte izan zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu egin dituelakoan, negozioetako ustelkeria barne.
EAJk eta EH Bilduk akordioa lortu dute Enplegu Publikoaren Legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.