EH Bilduk ez du aurrekontu proiektua itzultzea babestuko, eta negoziazioa agortuko du
EH Bilduk ez du babestuko 2019ko aurrekontu proiektua itzultzea astearte honetan, eta prozeduraren amaierara arte (abenduak 21) Eusko Jaurlaritzarekin negoziatzen jarraituko du.
Exekutiboaren azken proposamena “nahikoa ez” dela uste du koalizioak, baina “aurrekontu prozesuak aurrera jarraitzea” erraztuko du astearte honetako osoko bilkuran, Legebiltzarrak osoko zuzenketak bozkatuko baititu.
Horrela, koalizioak negoziazioa agortuko du, abenduaren 21era arte. Ordurako akordiorik ez baldin badago, ebazpenaren aurkako botoa eman eta proiektua atzera bota dezake.
Zentzu horretan, “amore emateko” asmorik ez dutela eta Jaurlaritzarekin akordio batera heltzeko “azken minutura arte lan egin eta borroka” egingo dutela azpimarratu du EH Bilduk.
Koalizioaren ahotan, aurrekontuen inguruan akordio bat lortzeko, Exekutiboak “abenduaren 21era arte du”, euren proposamena aintzat hartzeko. “Oraindik ez dute egin, helarazi dizkiguten eskaintzak guk mahai gainean jarritako proposamenetatik oso urrun baitaude”, erantsi du.
Maddalen Iriarte eta Nerea Kortajarena EH Bilduko legebiltzarkideek agerraldia egin dute Donostian. Jaurlaritzak azken orduetan erabilitako “moduak” kritikatu dituzte, eta horregatik “harridura” agertu dute. “Elkarrizketak oraindik zabalik daudenean, azken proposamena komunikabideei filtratzea ez da onargarria”, salatu dute.
Azken asteetan eta aurrekontuen negoziazioan “pentsiodunen eta gure gizartean okerren pasatzen ari diren pertsonen egoera agenda politikoaren erdian kokatzea” lortu dutela azpimarratu du koalizioko bozeramaileak.
Eusko Jaurlaritzak “aurten 700 milioi gehiago ditu, eta aurreko urteko aurrekontuaren 500 milioi euro baino gehiago ez ditu gastatu”, Iriartek eta Kortajarenak gogorarazi dutenez. “Baldintza hauetan aurrekontua aurrera ez ateratzea izugarrizko arduragabekeria litzateke”, ohartarazi dute.
Zure interesekoa izan daiteke
Rufianek bilera erronda abiatuko du, PSOEren ezkerrera kokatuko litzatekeen aliantza bat proposatzeko
Gabriel Rufian ERCren Kongresuko bozeramaileak ezkerreko indarrekin egiazko espazio plurinazionala" eratzea defendatu du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.