Elkarrizketaren eta adostasunaren bidea urratzeko eskatu die Foro Sozialak alderdiei
Eusko Legebiltzarrean Memoria eta Bizikidetza lantaldea osatzen duten talde parlamentarioei “elkarrizketaren eta adostasunaren bidera itzultzeko deia” egin die ostiral honetan Agus Hernan Foro Sozial Iraunkorraren bozeramaileak. Azken egunetan izandako desadostasunen harira, agiri bat kaleratu du Hernanek.
“Bizikidetzari, biktimei eta preso dauden pertsonei dagokienez adostasuna lortzeko aukera ugari” daudela esan du Foro Sozialeko bozeramaileak, eta hori frogatzen duten “jazoerak” egon badaudela nabarmendu du. Ildo horretatik, aste honetan “bi argazki desberdin eta kontrajarri” ikusi ahal izan direla gaineratu du, Euskadin bake eta bizikidetza prozesuak bizi duen “egoera konplexuari” aipamen eginez.
Bere iritziz, Memoria eta Bizikidetzaren lantaldean sortu diren desadostasunek argazki bat utzi dute aste honetan. Dena dela, bakearen eta bizikidetzaren alde egindako lana azpimarratu du, eta hiru adibide jarri ditu:
Alde batetik, Rosa Lluchek (Ernest Lluch PSOEko ministro ohiaren alaba, ETAk hil zuen) eta Ane Muguruzak (Josu Muguruzaren alaba, eskuin muturreko talde batek hil zuen) Bilbon izandako “topaketa hunkigarria” nabarmendu du; eta bestetik, euskal presoek bizi duten egoerarekin amaitzeko hamar sindikatuk izandako bilera. Halaber, Arrasateko Udalbatzak osatutako Memoria eta Bizikidetza mahaiak 'Memoria partekatu baterantz' egindako lana txalotu du.
Gauzak horrela, “elkarrizketaren eta adostasunaren bidera itzultzeko deia” egin die ostiral honetan Foro Sozial Iraunkorrak Memoria eta Bizikidetza lantaldea osatzen duten talde parlamentarioei, “lehentasuna akordioei” eman diezaioten.
Zure interesekoa izan daiteke
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.