Amurrioko baserri baten aurka tiro egin zuen polizia ohia atxilotu dute
Ustez Amurrioko baserri baten aurka tiro egiteagatik identifikatutako 74 urteko polizia ohia atxilotu du gaur Ertzaintzak (ezker abertzaleko familia bat bizi da baserri horretan).
Segurtasun Saileko iturriek baieztatu dutenez, atxilotua aurki eramango dute epailearen aurrera.
Hasiera batean, Ertzaintzak eraso horretarako erabilitako munizioa aurkitu zuen atxilotuaren etxebizitza miatzen ari zela. Aldiz, ez zuen ustezko erasoa egiteko erabili zuen pistola topatu. Behin pistola aurkituta, ikerketa iturriek zehaztu dute 9 milimetroko balarekin egin zuela tiro Amurrioko Lezama auzoko baserriaren kontra.
Iturri horien arabera, erretiroa hartu zuenean arauzko pistola Segurtasun Indarrei eman zien atxilotuak. Dena dela, lanean diharduten bitartean bigarren arma bat ere izan dezakete poliziek, eta erretiroa hartzerakoan aukera dute pistola horrekin geratzeko, baldin eta horren erabilera justifikatzen badute.
Nolanahi dela, oraingoz, Segurtasun Sailak polizia ohiaren atxiloketa soilik baieztatu du, baina ez du gizon hori atxilotzeko izan dituzten frogen inguruko informaziorik zabaldu.
Erasoa gertatu zen unean bikote bat zegoen baserri barruan. Hala ere, ez zuen inor zauritu, baina sukaldeko leihoko kristala hautsi zuen.
Ezker abertzaleak gogor kritikatu zuen erasoa, kutsu politikoa zuela argudiatuta. Gainera, EAJk zuzendutako Amurrioko Udaleko alderdi guztiek aho batez gaitzetsi zuten Lezamako baserri horretan jazotakoa.
EH Bilduk positibotzat jo ditu erasoa argitzeko bideratutako neurriak
Julen Arzuaga EH Bilduko legebiltzarkideak positibotzat jo du Amurrioko erasoa ikertzeko hartutako edozein neurri.
Donostian emandako prentsaurrekoan polizia nazional ohiaren atxiloketari buruz mintzatu da Arzuaga, eta esan du koalizio abertzalearentzat "sinesgaitza" dela ikerketa horretan "kautelazko neurririk" ez hartzea, erasotzaileak "frogak desagerrarazi edo antzeko erasoak egin ditzakeelako".
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.