Torrak Sanchezi abenduan egindako 21 eskarien zerrenda argitaratu du Generalitateak
Quim Torra Kataluniako Gobernuko presidenteak Pedro Sanchez Espainiako Gobernuko presidenteari abenduan egin zion 21 eskarien zerrenda argitaratu zuen atzo Generalitateak.
Eskarien artean daude autodeterminazio eskubidea aitortzea eta egikaritzea, nazioarteko bitartekaritza onartzea eta Estatua eraberritzeko neurriak hartzea.
Abenduaren 21ean, bi agintariek Pedralbes Jauregian izan zuten bileran eskura eman zion dokumentua: "Kataluniako Gobernuaren proposamena, Espainiako Gobernuarekin goi-bileran: Espainiaren eta Kataluniaren arteko gatazka konpontzeko Estatu ituna". Torrak aipaturiko dokumentua eraman zuen, atzo, Kataluniako elkarrizketarako mahaiaren bigarren bilerara. Quim Torra, Junts per Catalunya (JxCat), ERC, PSC eta Catalunya En Comu Podem taldeko ordezkariak bildu ziren batzar horretan.
21 eskariak hiru atal nagusitan banatzen dira: Kataluniarentzako erantzun demokratikoa, Estatuaren birsortze demokratikoa eta kultura frankistaren eragina.
Lehen atal horretan, Kataluniako herriaren autodeterminazio eskubidea aitortzea eta egikaritzea azpimarratzen da. Horretarako, nazioarteko bitartekaritza bat izatea beharrezkoa izan daitekeela uste du Kataluniako Gobernuak, "berdinetik berdinera negoziatzeko". Kataluniako erakundeen burujabetza errespetatzea eta 155. artikuluaren aplikazioarekin mehatxurik ez egitea ere nabarmentzen du. Halaber, Kataluniako herriaren aurkako abusu polizialak eta ekonomikoak ikertzea ere aldarrikatzen da.
Estatuaren birsortze demokratikoari dagokionez, hainbat eskari egiten ditu Generalitateak: "etika politikoa bultzatzeko konpromisoa hartzea", botere banaketa bermatzea, "Espainiako kalitate demokratikoa lehengoratzea" eta indar polizialek zein aparatu judizialak ultraeskuinarekin duten "konplizitatea" amaitzea.
Amaitzeko, kultura frankistaren eraginak oraindik ere bizirik jarraitzen duela eta hori demokraziarekin "bateraezina" dela adierazi du Generalitateak.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.