EAJ eta PDeCAT ez dira elkarrekin aurkeztuko Europako hauteskundeetara
EAJ eta PDeCAT ez dira elkarrekin aurkeztuko maiatzaren 26an egingo diren Europako hauteskundeetara, baina hauteskundeen ostean elkarlanean arituko dira.
Alderdi jeltzaleak ohar bidez jakinarazi duenez, EAJk "ulertu, errespetatu eta onartzen du" PDeCATek hautagaitza katalanista bat osatu nahi izana, egungo egoera politikoak eta Kataluniako prozesu politikoak bultzatuta.
Gaur goizean jakinarazi du EAJk erabakia ohar baten bidez, Andoni Ortuzar EAJren EBBko presidenteak eta David Bonhevi PDeCATeko presidenteak gaur goizean izandako elkarrizketaren ondotik.
Hala ere, EAJk ez du uste hori eragozpena izango denik erakunde parlamentarioetan kolaboratzen jarrai dezaten, Europako Parlamentuan bereziki.
Hori dela eta, datozen egunetan gauzatuko den akordio bat iragarri dute jeltzaleek. Zehazki, hauteskundeen ondoren elkarlanean aritzea adostu dute, Euskadi eta Katalunia Europako Parlamentuan defendatzeko eta bi nazioek etorkizuneko Europan ahotsa eta ordezkaritza izatea aldarrikatzeko. Horrez gain, Euskadik eta Kataluniak Espainiar estatuaren egungo markoan eta Europar Batasunean duten tokiari konponbidea bilatzeko konpromisoa hartu dute.
Bestalde, Europako hauteskundeei begira, EAJk datozen egunetan Coalicion Canaria eta Compromiso por Galicia taldeekin akordioa lortzea aurreikusten du.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.