Sanchez botatzeko frontea osatzea proposatu dio Riverak PPri
Hauteskundeen ostean fronte komuna osatzea proposatu dio Albert Rivera Ciudadanoseko presidenteak Pablo Casado Alderdi Popularreko presidenteari, “larrialdi nazionaleko” egoera batekin bukatzeko: Pedro Sanchez Espainiako Gobernutik botatzeko.
“Sanchez oposiziora bidaltzea larrialdi nazionala dela uste dut”, azpimarratu du Riverak. Sozialistak eta “Espainia akabatu nahi dutenak” Gobernutik botatzeko laguntza eskaini dio Ciudadanoseko buruzagiak PPri.
“Sanchez Gobernu Frankenstein berri batekin” edo “Ciudadanos PPrekin”, laburbildu du alderdi laranjako buruzagiak. “Gobernu hori Ciudadanosek zuzentzea onena da”, gaineratu du, “alderdi moderno, liberal, irekia eta europeista delako”.
Alderdi laranjako presidenteak mitina eman du Coruñan. 300 bat pertsona bildu ditu arratsaldean. Diputatuen Kongresurako zerrendaburuek Rivera lagundu dute ekitaldian.
Pablo Casado Alderdi Popularreko presidenteak Riveraren proposamenari berehala erantzun dio. “Oso ideia ona iruditzen zait”, ziurtatu du, baina proposamena hauteskunde zerrendak itxi ondoren heldu izana deitoratu du.
PPk ekitaldia egin du Ceutan. Riveraren proposamena “zerrendak Estatu Aldizkari Ofizialean argitaratu diren” egunean heltzea deitoratu du Alderdi Popularreko buruzagiak. “Dagoeneko ezin daiteke ezer egin”, adierazi du.
Casadoren hitzetan, Ciudanosek “hilabete batean zehar PPren eskaintza errefusatu izana pena da”. Orain bi alderdiek “kanpainako beste hilabetean boto baliagarria aldarrikatu beharko dute”, gaineratu duenez.
Zure interesekoa izan daiteke
"Fronte zabalak eraikitzea" eskatu du EH Bilduk, "ultraeskuinaren mehatxuaren aurrean"
Koalizio abertzaleak ohar bidez jakinarazi duenez, Sonia Jacinto Antolakuntza idazkaria eta Gorka Elejabarrieta Harreman Politikoetarako idazkaria Argentinara eta Uruguaira joan dira azken egunotan, eta hainbat ordezkari politiko, giza eskubideen aldeko erakunde eta euskal diasporako kiderekin bildu dira han.
Euskadik eta Espainiar Estatuak aldebiko batzorde bat sortuko dute aireportuen kudeaketan parte hartzeko
Aireportu-azpiegiturei buruzko akordioak bi administrazioen arteko lankidetza-organo bat abian jartzea aurreikusten du, indarrean dagoen eskumen-araudia errespetatuz, Euskadik erabaki estrategikoetan esku hartzeko aukera izan dezan.
Euskal Herriaren proiektu nazionala indartzeko beharra azpimarratu du EH Batera herri ekimenak Lizarran
Aberri Egunaren ofizialtasuna eta instituzionalizazioa ere aldarrikatu dituzte ekimeneko ordezkariek gaur Lizarran egin duten ekitaldian. Zehazki, gaur egun ez duen aitortza eta zabalpena emateko eskatu dute, "urrats txikia bezain eraginkorra" izango litzatekeela iritzita.
Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Bizikidetza eraikitzeko, egian oinarritutako memoria eskatu du Eneko Anduezak
Euskadiko sozialista gazteek Oroimen Hegoak sariak banatu dituzte Donostiako Miramar Jauregian. PSE-EEk ezberdin pentsatzeko askatasuna bermatzeko lanean jarraituko duela aldarrikatu du Anduezak.
Euskadiren eraikuntzan buru-belarri arituko den gazteria aldarrikatu du Aitor Estebanek, pankarta atzean geratzen direnen aurrean
EGI egunaren ekitaldi nagusian parte hartu du Aitor Esteban EBBko presidenteak, Mungian. Gizartean eta alderdian euren lekua hartzeko eskatu die gazte jeltzaleei.
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du "lehendakariak argazki bat bilatu duela Madrilen", eta akordioa "kea baino ez" dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.