EH Bilduk Sanchezen Gobernuaren sei errege dekretuak babestuko ditu
EH Bilduk babesa emango die Pedro Sanchezen Gobernuak onartu eta Diputatuen Kongresuko Diputazio Iraunkorrean gaur bozkatuko diren sei errege dekretuei. EAJk, ostera, ez du erabaki oraindik zer bozkatuko duen eta negoziatzen jarraitzen du.
Arnaldo Otegik atzo azaldu zuenez, neurri sozial horiek "norabide onean egindako urrats txikiak" dira. Marian Beitialarrangoitia EH Bilduko diputatuaren esanetan, txikiak izan arren, "pertsonen bizi baldintzak hobetzeko beharrezko pausoak dira". Azken orduetan, Sanchezen Gobernuaren aldetik dei asko jaso dituela eta EH Bildu bozketan "giltza" izango dela azpimarratu du.
Diputazio Iraunkorra osatzen duten 64 diputatuen esku dago sei errege dekretuen inguruko azken erabakia. Hauek bozkatuko dituzte: aitatasun baimena 8 astera luzatzea, 52 urtetik gorako langabeentzat laguntzak berreskuratzea, zamaketarien kontratazioan aldaketak egitea, autonomia erkidegoen eta udalen superabita inbertsioetara bideratzea, alokairuaren araudi berria eta akordiorik gabeko balizko brexitari aurre egiteko neurriak.
Aurreikuspenen arabera, bozketa oso estua izango da, eta Sanchezen Gobernuak zentsura mozioa babestu zuten alderdien babesa beharko du neurriak onartzeko. EAJk ez du oraindik argitu zer bozkatuko duen.
Joseba Agirretxea diputatu jeltzaleak atzo iragarri zuenez, talde jeltzaleak negoziatzen jarraitzen du, eta erabakia hartzen duenean jakinaraziko du bere botoa zein izango den.
Agirretxearen esanetan, "denborak erakutsi du EAJ dela (Madrilen) benetan erabakigarria dena".
Zure interesekoa izan daiteke
Jaengo herri bateko PSOEko zinegotzi bat kargutik kendu dute bideo batean kantu matxistak egiteagatik
Martosko udal gobernuak eta Alderdi Sozialistak "erabat" gaitzetsi dute Manuel Cortes zinegotziaren jarrera. Hala, diziplina-espedientea ireki diote, behin-behinean alderditik botako dute eta zinegotzi akta alderdiaren esku uzteko eskatuko diote.
Honakoak izan dira aurten politika arloko albiste nagusiak
Aldaketaren aldarriaren bidetik, berezko nortasuna erakusten saiatu da aurten Imanol Pradales lehendakaria. Espainian, ordea, gatazka politikoak goia jo du legegintzaldiaren erdian, Pedro Sanchezen agintea kolokan jartzeraino.
Manifestazio jendetsua Azpeitian, bi kasutan auzipetutako 43 herritarren alde
Manifestazioa izan da iluntzean Azpeitian, VOX-en kontra mobilizatzeagatik ikertuta dauden 20 lagunei eta pintaketa baten harira auzipetu zituzten beste 23 herritarrei elkartasuna adierazteko. Urtarrilean eta otsailean epaituko dituzte guztiak. Jendetza batu da Azpeitia Errepresioaren Aurka plataformak deituta, "Errepresioaren aurrean, klase elkartasuna" lelopean egin duten manifestazioan.
ETAko presoen aldeko ekintzak izan direla Gabonetan salatu du Covitek
Terrorismoaren Biktimen Kolektiboak bere sare sozialetan zabaldu dituen hainbat mezutan kritikatu duenez, "ezker abertzaleak -Sortuk eta EH Bilduk- eta bere sateliteek, Sarek kasu, zigorgabetasun handiagoa eskatzen jarraitzen dute ETAkide guztientzat".
Eusko Jaurlaritzak adierazi du erantzukizunez jokatu duela transferitu gabe dauden eskumenen aurrean
"Pentsatzen dugu hobe dela transferentzia horiek erabaki genuen bezala eta nahi dugun moduan gauzatu arte itxarotea", esan du Ibone Bengoetxea lehen lehendakariorde eta Kultura eta Hizkuntza Politikako sailburuak.
EAJrentzat "ulertezina" da Sanchezek ez betetzea Estatutua osatzeko akordioa
Estebanek esan zuen sinatutakoa ez betetzea "larria eta inbestidura akordioa urratzea" izango litzatekeela.
Transferentzien asteleheneko bilera urtarrilaren 16ra atzeratu dute, ez daudelako “beharrezko baldintzak” bermeekin egiteko
Eusko Jaurlaritzak eta Espainiako Gobernuak egin behar zuten bilera egiteko beharrezko baldintzak ez daudenez, bi aldeek atzeratzea adostu dute. Autogobernu Saileko iturriek EITBri jakinarazi diotenez, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.