Etxeratek euskal presoak Zaballara 'azkar' ekartzeko eskatu dio Madrili
Etxerat euskal presoen senideen elkarteak Espainiako Gobernuari eskatu dio presoak Zaballako espetxera ekartzeko, "azkar" eta "arduraz".
Senideen elkarteak 18. Batzar Nazionala egin du Gasteizen, eta iragarri du "salbuespenezko espetxe politiken desaktibazioa lortzea" izango dela haien helburua datozen hilabeteetan.
Hala, "testigantza eta salaketa" erabiliko omen dituzte tresna gisa, "urrunketari eta preso gaixoek pairatzen duten muturreko egoerari lehentasuna emanez".
Espainiako Gobernuak espetxe politikan aldaketak iragarri zituenetik euskal preso bat espetxean hil dela gogorarazi dute, eta gaixotasun larriak dituzten ia preso guztiek lehen graduan eta urrutiko espetxeetan jarraitzen dutela, tratamendu egokia jasotzeko aukerarik gabe.
Era berean, 24 senidek bisitetara bidean edo itzuleran istripuak izan dituztela leporatu diote Gobernuari, eta hori "urrunketak dakarren arriskuaren ondorio" dela. Horren harira, sakabanaketaren ondorioz hil diren pertsonei aitortza sozial eta instituzionala lortzeko lan egingo dutela jakinarazi dute.
Presoak Euskal Herrira ekartzeari dagokionez, sakabanaketa politika ezartzen hasi zenean izan zuen azkartasun bera eskatu diote Espainiako Gobernuari, bi hilabetetan 600 preso urrundu zituelako. Etxeratek aitortu du 24 preso gerturatu dituztela, baina ez dela "inondik ere" nahikoa.
Gainera, azpimarratu du ez dagoela "inolako aitzakiarik" presoak Zaballara ez eramateko, "ez legediaren aldetik, ez baldintza materialei dagokienez".
Zure interesekoa izan daiteke
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.
Itxasok lehendakaria kritikatu du “proiekturik gabeko etxebizitzak” iragartzeagatik
Kritikak kritika, Etxebizitza sailburuak esan du EAJ-PSE koalizio-gobernua "funtzionatzen" ari dela eta legealdi honetan atzean geratu direla etxebizitza-politikan iraganean izandako "desadostasun handiak".
Asensiok tonua apaldu eta "normaltasunaren barruan" kokatu ditu Mendozari egindako kritikak
Ayesa operazioa dela eta, buruzagi sozialistak "lidergo falta" egotzi zion Gipuzkoako diputatu nagusiari. Biharamunean, Asensiok esan du "gai zehatzetan" iritzi ezbedinak izatea "normaltasunaren barruan" dagoela.
Martxoaren 3ko sarraskia gogoan mantentzeko helburua duen "Amets berriak" abestia aurkeztu dute
Martxoaren 3an Gasteizen izandako sarraskiaren 50. urteurrena ospatzeko aste gutxi falta direnean, Martxoak 3 elkarteak "Amets berriak" abestia aurkeztu du. Letra Karmele Jaiok idatzi du eta Idoia Asurmendik interpretatu.
Hezkuntza sailburuak LHko euskal eredua goraipatu du, Sanchezek horien irekiera mugatzeko asmoa iragarri ondoren
Begoña Pedrosa Hezkuntza sailburuak Euskadiko Lanbide Heziketaren "kalitatezko eredu inklusiboa" goraipatu du, Pedro Sanchez Espainiako Gobernuko presidenteari emandako erantzunean. Horren arabera, Lanbide Heziketako ikastetxe pribatuen irekierari "mugak jartzeko" eta prestakuntzaren kalitatea "blindatzen jarraitzeko" errege-dekretua sortuko da.
Justizia Administrazioan euskara sustatzea eskatzen duen ekimena atera dute aurrera EAJk eta PSE-EEk
Administrazio publikoan euskararen eskakizuna blindatu ahal izateko legearen negoziazioan jarrerak urrunduta dituztenean, jeltzaleek eta sozialistek bat egin dute gaur Legebiltzarrean euskararekin lotutako ekimen batean.