Bake bidean urratsak egiten jarraitzeko eskatu du giza kate batek Biarritzen
Bake Bideak eta Bakearen Artisauek antolatuta, euskal gatazkaren konponbidean urrats gehiago emateko topaketak eta mobilizazioak egiten ari dira egunotan Biarritzen. Atzo biktimen arteko topaketa izan zen eta gaur, giza katea egin dute 3.000 herritar inguruk.
Biarritz hiria sei zonaldetan banatu eta, peto urdinak jantzita, Iparraldeko hautetsiak, alderdi politiko eta sindikatuetako ordezkariak zein herritar arruntak bildu dira "Bakea Euskal Herrian, orain presoak" lelopean egin den giza katean. Mahaiak kokatu dituzte ibilbide osoan, petoak saldu eta kostaldea urdinez janzteko. Hegoaldetik ere hainbat pertsona bertaratu dira, tartean EH Bilduko Jasone Agirre legebiltzarkidea, Jon Iñarritu Madrilgo diputatua, Adolfo Araiz Nafarroako parlamentaria zein Sareko eta Foro Sozialeko ordezkariak.
Hondartza handitik hasi eta Birjinaren harkaitzera artean osatu dute lerroa, akuariuma, Atalaia, St Eugenie eta Bellevue Casinoaren paretik igarota. 16:30-16:45 bitartean eratu da giza katea elkarri eskutik helduta. "Presoak etxera" izan da lelo nagusia.
Ondoren, hitzaldiak izan dira Casino plazan. Jendetzaren aurrean hitz egiten lehena Jean Rene Etchegaray Baionako alkate eta Euskal Elkargoko presidentea izan da: "Urratsak egiten badira ere, hurbilketak DPS estatusaren kentzea... oraindik badira urratsak egiteko" esan du.
Bere ondotik, Anaiz Funosas Bake Bideko presidenteak hartu du hitza. "Gaur ere milaka gara Biarritzen, aktualitatea bizi bizian den herrian, berriz ere agintari gorenei oroitarazteko bake prozesu batean, tratatu beharreko ezinbesteko gaia dela presoen gaia. Ez da obsesio bat… Gure obsesio bakarra bakea da!" esan du eta hiru neurri eskatu ditu: "hurbilketak azkeneraino gauzatu behar dira, DPS estatutua kendu behar zaie preso guztiei eta presoaldiaren 30garren urtemugan direnak askatu behar dira".
Mixel Berhocoirigoin 'bakearen artisauak' frantsesez irakurri du hitzaldi bera.
Giza katearen hasiera puntua. Argazkia: Bakearen Artisauak
"Gure elkarbizitza eraikitzeko topaketa", bezperan
Atzo, ostirala, "Gure elkarbizitza eraikitzeko topaketa" lelopean, biktimen senideek eta hainbat erakundetako ordezkariek batzarra egin zuten Biarritzeko Bellevue Casinoan.
Bertan parte hartu zuten besteak besteak, Michel Veunac Biarritzeko alkateak, Mixel Berhocorigoin 'bake artisauak', Christiane Taubira Frantziako Justizia ministro ohiak eta Michel Camdesssus PMIko presidente izandakoak.
Mahai-inguru batean parte hartu zuten Joxean Lasaren (GALek hildakoa) eta Juan Manuel Garcia Corderoren (Komando Autonomo Antikapitalistak hildakoa) senide Axun Lasak, Iñaki Garcia Arrizabalagak zein Brandon Hamer Internattional Conflict Research Instituteko kideak.
Anaiz Funosas Bake Bideko presidenteak eman zion amaiera ekitaldiari.
Hain zuzen ere, Funosas elkarrizketatu zuten arratsaldean Euskadi Irratiko Mezularia saioan, eta presoen auzian Frantziako Gobernuak "hitzen araberako ekintzak eta keinuak" egin beharra daukala esan zuen.
Zure interesekoa izan daiteke
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.
Anboto ETAren buruzagi ohiari erdi-askatasuna eman izana salatu du Covitek, kartzelan "denbora gutxi" eman duela iritzita
Erakunde terrorista "sostengatu eta legitimatu zuen sare politiko eta sozialetik banaezina" izaten jarraitzen duela ohartarazi du terrorismoaren biktimen kolektiboak.