'Kooperazio gobernua' osatzea proposatu dio Pedro Sanchezek Pablo Iglesiasi
Pedro Sanchez Espainiako Gobernuko jarduneko presidente eta PSOEko buruzagiak eta Pablo Iglesias Unidas Podemoseko buruak "kooperazio gobernua" osatzeko negoziazioak abiatzea adostu dute gaur goizean egin duten bileran. Gaurtik aurrera, hori gauzatzeko lanean hasiko dira.
Ordubete eta hogei minutu inguru iraun duen batzarraren ostean, kazetarien aurrean hitz egin du Podemoseko idazkari nagusiak. "Guretzat izena gutxienekoa da", esan du Pablo Iglesiasek, "garrantzitsuena indar politikoak modu proportzionalean ordezkatuta egotea da". Bilera "ondo joan da", Iglesiasen arabera.
Pablo Iglesiasen esanetan, PSOEk ez die betorik jarriko "kooperazio gobernurako" proposatzen dituen izenei.
Adriana Lastra PSOEko idazkari nagusiordeak azpimarratu duenez, Pedro Sanchezek Pablo Iglesiasi eskaini dion "kooperazio gobernua" ez da Podemosek aldarrikatzen duen "koalizio gobernua". Edozein kasutan, "erreferente" diren independenteak bere baitan har ditzakeela onartu du. PSOEk eskaintzen duen gobernua "irekia, anitza eta integratzailea" izango dela gaineratu du.
Pablo Iglesias Unidas Podemoseko buruarekin ekin dio Pedro Sanchezek inbestidurara begira egingo duen bilera sortari.
Pedro Sanchez PSOEko idazkari nagusia eta Albert Rivera Ciudadanoseko presidentea. Argazkia: EFE/Kiko Huesca
Bestalde, bere inbestidura "babestuko ez" duela berretsi dio Albert Rivera Ciudadanoseko presidenteak PSOEko buruzagiari. Hala ere, oposiziotik "Espainiarekiko eta espainiarrekiko jarrera leiala" izango dutela ziurtatu du alderdi laranjako ordezkariak, Estatuko akordio handiak laguntzeko asmoarekin.
Sanchezekin 40 minutuko bilera egin du Riverak. PSOEk eta Podemosek legealdi honetan erabaki ditzaketen "zerga sabladen" aurka "irmo" ekingo dutela iragarri du Ciudadanoseko buruzagiak. Alderdi independentistei eta abertzaleei egiten zaizkien balizko mesedeen aurrean "zelatan" egongo direla agindu du.
Gobernua osatzeko eskatu dio Riverak Pedro Sanchezi, "egiteko betebehar konstituzionala duelako", eta logikoena "ohiko bazkideekin" egitea dela esan du, "populistekin eta abertzaleekin", alegia.
"Espainia osoak zekiena" jarduneko presidenteari baieztatu diola errepikatu du Riverak. Hauteskunde orokorren ostean bildu zirenean jakinarazi omen zion: bere inbestiduraren aurka bozkatuko du Ciudadanosek.
Pedro Sanchez PSOEko idazkari nagusia eta Pablo Casado PPko presidentea. Argazkia: EFE/Kiko Huesca
Azkenik, PSOEren eta Unidas Podemosen arteko balizko lankidetza gobernu bat "logikoa" ikusten du Pablo Casado PPko buruzagiak, baina alderdi erregionalistekin osatzea eskatu du, eta ez independentistekin.
Gobernuko jarduneko presidentearekin ia ordubete bilduta eman du Casadok. Inbestidura errazteko PP abstenituko ez dela errepikatu du Alderdi Popularreko buruzagiak prentsaurrekoan.
"Aurreneko itzulian ateratzen ez baldin bada, bigarrenean aterako dela seguru nago", azaldu du Casadok. Inbestidura saioa "laster" egitea aldarrikatu du PPko presidenteak, ekintza legegilea eta Gobernuaren kontrola lehenbailehen hasteko.
155. artikuluaz haratago beste neurri batzuk aplikatzea aztertzeko prest agertu da Casado bileran, Katalunian "gutxieneko arauak" betetzea bermatzeko.
Hauteskunde deialdi berri bat egitea errefusatu du PPko buruzagiak, baina bai PSOEri zein Alderdi Popularrari gaizki etorriko ez litzaiekeela onartu du.
Hiru hilabete eskasetan espainiarrak bosgarren hauteskunde prozesu batera deitzea "arduragabekeria" litzatekeela ohartarazi du Casadok, baina "beharrezkoa izango ez" dela uste du.
Inbestiduran abstenitzeko eskatu die berriro Sanchezek PPko eta Ciudadanoseko buruzagiei, beste Gobernu aukerarik ez dagoelako, Adriana Lastra Kongresuko PSOEren bozeramaileak jakitera eman duenez.
Sanchezek Riverarekin eta Casadorekin arratsaldean izandako bileren berri emateko agerraldia egin du bozeramaile sozialistak. "Herritarrek nahi izan duten gobernua osatzea eragozteko estrategian kokatu dira", deitoratu du Lastrak.
Zure interesekoa izan daiteke
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.