Sanchezek 'gobernu sozialista' nahi du 'prestigiodun independenteekin'
PSOE hauteskundeetara "Alderdi Sozialistaren Gobernu ireki eta progresista baieztatzeko" aurkeztu zela gogorarazi du Pedro Sanchez Espainiako jarduneko gobernuburuak. Gobernuan "prestigioko independenteak" nahi dituela erantsi du Sanchezek.
"Maiatzak 26aren ondotik, hori da segituko dugun ildoa, uste sendoagoarekin herritarrek ikuspuntu hori babestu dutelako", azpimarratu du PSOEko presidentegaiak.
Era berean, hauteskundeen ostean "estrategiak birplanteatzeko" eskatu die alderdi politiko "guztiei", baina ez du argitu PSOEren Gobernuan Podemos sartzea onartuko luke.
"Gertatutakoaren ondotik guztiek gure estrategiak berriz pentsatu behar ditugu", adierazi du Sanchezek EBko goi-bilerara heldu denean. EBko karguen berrikuntza negoziatzen hasi behar dira buruzagiak.
"Garrantzitsuena egonkortasuna da", errepikatu du Sanchezek. "Datozen asteetan, alderdiek estrategiak birplanteatu eta herritarren ongizatean eta erakundeen egonkortasunean pentsatu behar dute", gaineratu du.
Podemos PSOEren Gobernuan sartzea onartuko luken ez du argitu nahi izan Espainiako Exekutiboaren buruzagiak. Bi aldiz galdetu diote, baina igandeko hauteskundeen ostean alderdi "guztiek" euren estrategiak "birplanteatu" beharko lituzketela errepikatu du.
Ciudadanosek Voxekin adosteko aukerari uko ez egiteak Emmanuel Macron Frantziako presidentea haserretu ote duen galdetu diote. Sanchezen hitzetan, "bere burua liberaltzat duen alderdi batek gobernuak osatzeko eskuin muturraren babesa onartzea Europan ez dute ulertzen, ez Andaluzian ez inon". Horregatik, Albert Rivera Ciudadanoseko buruzagiaren "kontraesan oso garrantzitsua" kritikatu du Sanchezek.
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.