Podemosek eta PSOEk akordio bat adosteko borondatea dutela azpimarratu du Iglesiasek
Pablo Iglesiasek esan du Pedro Sanchezek eta berak PSOEko buruzagiaren inbestidura ahalbidetuko duen akordio bat adosteko borondatea dutela, eta ziur agertu da ituna hitzartuko dutela.
"Berehala hasi behar dugu lanean ados jartzeko, horretan bat gatoz", adierazi du Iglesiasek Moncloa Jauregian egin duen agerraldian.
Sanchezek eta Iglesiasek bi ordu eman dituzte bilduta, PSOEko buruzagiak PP, Ciudadanos eta Podemos alderdietako ordezkariekin egin duen bilera-sortaren baitan.
Hala ere, ezberdintasunak ere badituztela onartu du Iglesiasek. Izan ere, Podemosek koalizio-gobernua osatu nahi du PSOErekin; Sanchezek, berriz, bakarrik gobernatu nahi du. Nolanahi ere, alderdi moreko buruzagia baikor agertu da.
"Gizarteak argi esan digu alderdi progresistak elkar ulertzeko gai izan behar dugula, eta Sanchez eta biok bat gatoz horretan", erantsi du.
Nolanahi ere, Iglesiasek zuhurtzia eskatu du, akordio bat lortzeko "denbora eta lan asko" beharko dutela iritzita.
Gehiengo progresista bilatuko dute Kongresuko Mahaian
Bestalde, Espainiako Gobernuko iturriek azaldu dutenez, Kongresuko Mahaian progresistek gehiengoa izatea bilatuko dute Iglesiasek eta Sanchezek.
Elkarlanean aritzeko borondatea agertu dute biek, eta hitz egiteko gai asko dituztela erantsi dute. Alabaina, epe laburrean lehentasuna Kongresuko Mahaiari buruzko negoziazioa izango dela adierrazi dute aipatu iturriek.
Negoziazioa PSOEko Adriana Lastrak eta Unidas Podemoseko Irene Monterok gidatuko dutela jakinarazi dute.
Datorren legegintzaldian "egitasmo progresistak" abiatzea bermatu nahi du PSOEk.
Zure interesekoa izan daiteke
Ibone Bengoetxea: “Lege honen espiritua segurtasun juridiko handiagoa eskaintzea da, exijentzia gehiago ezarri gabe”
Lehendakariordeak, EAJk eta EH Bilduk euskararen segurtasun juridikoa bermatzeko akordioaren balioa nabarmendu dute; PSEk, PPk, Sumarrek eta Voxek, berriz, lege-aldaketa zalantzan jarri dute.
Eusko Legebiltzarrak lan eskaintza publikoetan euskararen babesa indartzeko erreforma onartu du
Euskal Enplegu Publikoaren Legearen aldaketak, EAJk bultzatua, hizkuntza eskakizunen segurtasun juridikoa indartu nahi du. Testua aurrera atera da EAJren babesarekin eta EH Bilduren abstentzioarekin, eta PSEk, Eusko Jaurlaritzako EAJren bazkideak, kontrako botoa eman du.
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak bota dizkiote elkarri Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta sozialistak erantzun dio Alderdi Popularraren sortzailea aita "torturatu eta erbesteratu zuen diktadurako gobernuaren" parte izan zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu egin dituelakoan, negozioetako ustelkeria barne.
EAJk eta EH Bilduk akordioa lortu dute Enplegu Publikoaren Legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.