Sanchezek oraindik ez duela jeltzaleen babesa ohartarazi dio EAJk PSOEri
Aitor Esteban EAJren Kongresuko bozeramaileak PSOEri helarazi dionez, "momentu honetan" Pedro Sanchez jarduneko presidenteak eta inbestidurako hautagaiak ez du jeltzaleen babesa.
Jose Luis Abalos PSOEko Antolakuntza arduradunarekin bildu ostean, EAJko bozeramaileak esan du ez duela "ideiarik" bere taldeak Sanchezen inbestiduraren alde egingo duen ala ez.
EAJk sei diputatu ditu Kongresuan, eta ezinbestekoa litzateke bere babesa Sanchez Gobernuko presidentea izateko. Jeltzaleek adierazpen batean nabarmendu dutenez, alderdia sozialistekin hitz egiten jarraitzeko prest dago "presarik gabe eta gaiak sakontasun handiagoz lantzeko".
Estebanek azaldu duenez, ordubeteko bilera "lehen kontaktua" izan da, "tenperatura neurtzeko" eta agertoki politikoari buruzko "iritziak trukatzeko".
Asmo "lasai eta eraikitzailearekin" bildu dira Abalos eta Esteban, baina PSOEren agenda nahiko estu dagoenez, ezinezkoa izan da "lehen kontakturik harago joatea".
Edozein kasutan, lan egiten jarraitzea adostu dute biek, "aurrera egiteko aukerak aztertzeko eta elkar ulertzera begira", erakundeen egonkortasuna helburu dutela.
Politika orokorrari buruz hitz egin ostean, zenbait erronkari ekiteko beharra helarazi dio Estebanek Abalosi, hala nola, pentsio sistemaren eta lan merkatuaren erreforma eta lurralde politika.
"Espainiako Estatu barruan arazo serio batzuk daude esparru ekonomikoan edo lan gizarte eta herrialde mailako esparruetan, eta adorez eta erabakimenez heldu behar zaie guztiei. Eta komenigarria litzateke albait arinen ekitea", esan du Estebanek.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.