Dimisioak Ciudadanosen, alderdia eskuinera egiten ari delako
Ciudadanosen baitan lehen krisia piztu da. Toni Roldan Kongresuko Ekonomia bozeramaileak, Javier Nart eurodiputatuak eta Juan Vazquez Asturiasko zerrendaburuak dimisioa eman dute, alderdia eskuinera egiten ari dela iritzita.
Ez dute hitzez hitz horrela adierazi, baina Ciudadanosek PSOEri betoa jarri diolako eta Alderdi Popularrarekin nahiz Voxekin itunak egiten ari delako erabaki dute kargua uztea.
Lehendabiziko dimisioa Toni Roldanek eman du, Albert Riveraren konfiantzazko pertsona orain arte. Ordu batzuk geroago, Javier Nartek jakinarazi du zuzendaritzan duen ardurari uko egiten diola. Alabaina, Ciudadanoseko eurodiputatu izaten jarraituko duela zehaztu du.
Kritikoek bultzatuta, gaur ezusteko bozketa bat egin dute zuzendaritzaren baitan, eta Pedro Sanchezi betoa mantentzea eta PSOErekin negoziaziorekin ez izatea berretsi dute. Hori bai, otsaileko bozketan ez bezala, oraingoan ez da guztien adostasunik izan: 24k betoaren alde bozkatu dute; lau kontra azaldu dira; eta hiru abstentzio egon dira.
Ciudadanosek izandako aldaketa da alderdia uzteko arrazoi nagusia
Roldan 2015ean batu zen Ciudadanos alderdira, Luis Garicano ekonomia koordinatzailearen eskutik. Hain zuzen ere, Garicano izan da ahotsik kritikoenetakoa PPrekin eta Voxekin itunak adosteko orduan.
2017an programa eta sektore arloetako idazkari izendatu zuten Roldan. Harrezkero alderdi laranjaren ekonomia eta enplegu programaren sustatzaileetako bat izan da, eta besteak beste, hitzarmen bakarraren aldeko apustua egin du, kontratu finkoen eta behin-behinekoen arteko dualtasuna saihesteko.
Halaber, paper garrantzitsua bete zuen krisiaren ikerketa batzordean. Roldanek gogor kritikatu zuen banketxeak zuzentzeaz arduratzen ziren politikarien kudeaketa.
Maiatzaren 26ko hauteskunde orokorretan, Bartzelonak Kongresurako aurkeztutako zerrendan bigarrena izan zen Roldan, Arrimadasen atzetik.
Roldanen ikuspuntutik, Ciudadanosen ildo nagusiak, alegia, "erreformismoa, birsorkuntza eta eta nazionalismoaren aurkako borroka" hutsaldu egin dira. "Ez noa ni aldatu naizelako, Ciudadanos aldatu delako baizik", esan du.
Roldanek onartu du "zilegia" dela alderdi laranjak hartu duen norabidea, baina ez datorrela horrekin bat. "Ez dut arrakastarik izan, eta ezin dut luzaroan nire printzipioen aurka joan", adierazi du.
Zure interesekoa izan daiteke
Txillardegi omendu dute Donostian, eta aitortza instituzionala eskatu dute harentzat
Jose Luis Alvarez Enparantza Txillardegi hil zela 14 urte beteko dira asteazkenean, eta, hori dela eta, idazle, hizkuntzalari eta ETAren sortzailea izan zena omendu dute igande honetan Donostian, Antigua auzoko Gaskonia plazan. Bertaratu direnek aitortza instituzionala aldarrikatu dute harentzat.
Salbuespen legea eta Fiskaltzaren helegiteak amaitzeko ordua dela dio Sarek
Lanean jarraituko dute ETAko presoei ezartzen zaizkien salbuespen neurriekin amaitzeko. Bilbon egindako manifestazio jendetsuaren biharamunean, aldaketak eskatu dituzte berriro ere arlo politikoan eta judizialean.
Eusko Jaurlaritzak "larritzat" jo du Espainiako Gobernuarekin adostutako bost eskumenak gauzatzeko "bermerik ez" izatea
Ibone Bengoetxea lehendakariordeak EITBri egindako adierazpenetan azaldu duenez, "borondate politikoaren kontua" da akordioa ixtea. Halakorik ez balego, "beste irakurketa bat egin beharko genuke, eta egoera ezberdinean geundeke, politikoki eta instituzionalki".
Agirregoitia (EAJ): "Trumpek ezarritako ordena berri horretan EBk zein leku hartuko duen argitu behar du"
Eurodiputatu jeltzalearen ustez, AEBko presidenteak argi utzi du "nazioarteko araudi bakarra bere iritzia eta morala dela", eta horren aurrean EBk "irmotasunez" erantzun behar du. NATOren aldetik ere mugimenduren bat espero duela esan du EAJren buruzagiak.
Sare: "Helmugara iristear gaude, helburuak betetzen, baina oraindik burutu gabe dagoen prozesu batean"
EH Bildu, Ahal Dugu, Junts, ERC, CUP eta BNG alderdietako eta hainbat sindikatutako ordezkariak ez ezik, kultura, unibertsitate edo kirol arloko ordezkaritza zabal bat ere batu da Bilbon ETAko presoen eskubideen alde milaka lagunek egin duten manifestaziora.
Txillardegiren omenezko horma-irudiari eraso egin diote Donostian
Jose Luis Alvarez Enparantza Txillardegi idazle eta politikariaren semeak eman du horren berri, aitari Donostiako Antigua auzoan egingo dioten omenaldiaren bezperan.
EAJ eta PSE-EE jo ditu Garridok Euskadiko egoera ekonomiko "kezkagarriaren" erantzule
EAJ-PSE koalizioaren gobernuari leporatu dio PPren Eusko Legebiltzarreko bozeramaileak "Euskadik puntako ekonomia ez izatea", eta EAEren adierazle ekonomikoak "Espainiako gainerako erkidegoetakoak baino okerragoak" izatea, eta hori "kezkagarritzat" jo du.
Sozialistek "herritarren arazo eta kezkei irtenbidea" ematen dietela esan du Anduezak
PSE-EEko idazkari nagusia alderdikideekin izan da gaur Donostian, eta 2027ko foru eta udal hauteskundeak hizpide hartuta, sozialistek “herritarrei entzun” eta “herritarren arazo eta kezkei irtenbidea” ematen dietela adierazi du. Erronka handiei aurre egiteko gizartea prestatzen ari direla esan du, eta Donostiako Topoa hiri-proiektua dela nabarmendu, eta PSE-EEri esker gauzatu dela azpimarratu du.
Otegik Hego Euskal Herriko "zerrenda bateratua" aldarrikatu du Espainiako hauteskundeetan “herri gisa hitz egiteko"
Koalizio subiranistak batzar nagusia egin du Bilbon 2026ari begirako erronkak partekatu eta hauteskunde ziklo berri baten aurrean jarrera zehazteko. EH Bilduren koordinatzaile nagusiak nabarmendu duenez, euren hautua “herri bezala jokatzea" izango da, "ez alderdi bezala”.
"Gatazkaren ondorioei behin betiko konponbidea" ematea eskatzeko manifestazioa egingo du arratsaldean Sarek
Martxa 17:00etan abiatuko da Casillatik, "Ezin da gehiago luzatu" lelopean. Sareren esanetan, azken urteotan "asko aurreratu da" eta "azken fase batean gaude", baina erakunde publiko batzuen partetik "borondatea falta da" eta hori aldarrikatuko du gaurko mobilizazioan.