Auzitegi Korrekzionalak atzeratu egin ditu Urrutikoetxeak Frantzian dituen bi auziak
Josu Urrutikoetxea ETAko buruzagi historikoa Parisko Auzitegi Korrekzionalera eraman dute gaur, Frantzian bere kontra ireki zituzten 2010eko eta 2017ko auziak direla eta. Ihesean zegoela epaitu eta zigortu zuten: zazpi eta zortzi urteko espetxealdiak ezarri zizkioten, hurrenez hurren.
Urrutikoetxeak eskubidea dauka bi prozesu judizialak errepikatzeko eta hala eskatu du gaurko saioan.
Lehendabiziko auziari dagokionez, Fiskaltzak helegitea jarri du kasua Apelazio Auzitegian aztertzea nahi duelako, eta Auzitegi Korrekzionalean, Urrutikoetxearen abokatuek eskatu bezala.
Helegitea argitu bitartean hilabeteak igaroko dela aurreikusten denez, Auzitegi Korrekzionalak 2020ko urtarrilaren 12an ezarri du 2010ean ezarri zioten zigorra aztertzeko saioa.
Bigarren kasuari dagokionez, defentsak prozeduran akatsak izan zirela antzeman du: Urrutikoetxea atxilotzeko eman zuten aginduan eta sumarioko akusazio aktan agertzen diren arrazoiak bat ez datozela ikusi dute.
Auzitegi Korrekzionalak irailaren 12an erabakiko du instrukzio fasea errepikatzea edo epaiketarako data ezarri.
Bestalde, Urrutikoetxearen abokatuek oraingoz ez dute haren behin-behineko askatasuna eskatu, datozen egunetan Espainiako Auzitegi Nazionalak bidalitako beste euro-agindu baten jakinarazpena jasoko dutela badakitelako.
Eskaera egiten dutenean, epaileak hamabost eguneko epean erabaki beharko du Urrutikoetxea behin-behinean aske utzi ala ez.
Horrez gain, Espainiako Gobernuak ostiral honetan baieztatu du Urrutikoetxearen estradizioa eskatu duela, 1987an ETAk Zaragozan egindako atentatuagatik. Guardia Zibilaren kuartelaren ondoan bonba-auto bat zartarazi zuten eta 11 pertsona hil ziren.
Luis Maria Hergueta Michelingo zuzendariaren hilketagatik eta herriko tabernen auziagatik ere galdegingo dute haren estradizioa.
Oraingoz, Urrutikoetxeak euro-agindu bakarraren jakinarazpena jaso du, eta urriaren 16an aztertuko dute.
Zure interesekoa izan daiteke
EHUk eta Eusko Jaurlaritzak Zientziaren Asteari hasiera eman diote, elkarri eskerrak emanez
Ekitaldia unibertsitate publikoaren finantziazioak eragindako tentsioaren ostean iritsi da, baina bi erakundeek lankidetza eta elkarrekiko errespetua eskatu dute.
Covite: "Euskadin eta Nafarroan dagoen erradikalizazio biolentoa oso arazo larria da"
Consuelo Ordoñez Coviteko presidenteak "beldurgarritzat" jo ditu joan den astean Nafarroako Unibertsitateko campusean izandako istiluak, eta horrelakoen aurrean "zigor administratiboak" jartzea defendatu du.
Kamerek Javier Arenas Senatuko bere eserlekuan zigarro elektroniko bat erretzen harrapatu dute, baina berak ukatu egin du
Senatuko kontrol saioan gertatu da, Enrique Ruiz Escudero PPko senatariak Monica Garcia ministroari galdera bat egin dionean. Monica Garcia erantzuten ari zela, Javier Arenasek zigarro elektroniko bat atera du poltsikotik, eta arnastu egin du. Ondoan zuen alderdikideak ohartarazi du kameraren planoan agertzen zela.
Peinadok uko egin dio Begoña Gomezen auzia artxibatzeari eta Presidentetzako goi-kargudun bat inputatu du
Judit González Pedraz Gobernuko Presidentzetzako egungo idazkari nagusia inputatu du epaileak, ondasun publikoak bidegabe erabiltzea egotzita, eta azaroaren 12an deklaratzera deitu du.
Bingen Zupiria: "Batzuek kanpotarrak estigmatizatzeko helburua dute, eta diagnostiko zehatza egin behar da"
Bingen Zupiria Segurtasun sailburua Gasteizen izan da, eta, esan duenez, kezka berezia sortzen diote 2025eko lehen hiruhilekoan homizidioek eta indarkeria matxistako kasu-kopuruak izan duen igoerak. "Aurten, 11 homizidio izan ditugu. Aspaldian ez dugu horrenbeste homizidio izan", adierazi du Zupiriak.
Fiskal Nagusiaren epaiketa "barregarrikeria" dela esan du Patxi Lopezek
Patxi Lopez PSOEk Diputatuen Kongresuan duen bozeramaileak salatu duenez, Auzitegi Gorenean Alvaro Garcia Ortiz Estatuko fiskal nagusiaren aurka egindako epaiketa "barregarrikeria da", eta "egia gailentzea" eta errugabe deklaratzea espero du. Radio Euskadin egindako elkarrizketa batean, Lopezek galdetu du nork eraman duen "Ayusoren bikotekidea (Alberto Gonzalez Amador) egoera horretara", ez badira izan bera eta bere ingurukoak. "Izan ere, bera edo bere abokatua akordio batera iritsi nahian ari ziren iruzur egindakoa Ogasunari itzultzeko eta, hortik abiatuta, inolako zentzurik ez duen ikuskizun moduko bat antolatzen hasi ziren", adierazi du.
Estatu kolpea, Franco, ETA, Corinna... Zer esan ote du Juan Carlos I.ak bere autobiografian?
Espainiako errege emerituak, Abu Dhabitik, Reconciliación liburua idatzi du, bere bizitza, itzalguneak eta ondarea errepasatzeko. 87 urterekin, Trantsizioan izan zuen papera nabarmendu, Felipe VI.arengandik urrundu izana deitoratu eta “akatsak”, “bakardadea” eta “mina” aitortu ditu.
Puentek adierazi du Zallan 24 trenbide-pasagune kendu egingo dituztela, aurreko asteko istripuan lagun bat hil ostean
Ministroak aitortu duenez, udalerri hori da Euskal Autonomia Erkidegoan "trenbide-pasagune gehien" dituena, eta baliteke "Espainiako trenbide-sare osokoa" izatea ere, 34 trenbide-pasagune baititu.
Torresek bere izena zikintzeko erasoa salatu eta Victor de Aldama auzitara eramango du
Ministroak iragarri du auzitara eramango duela 'Koldo auzi'ko komisio-hartzailea, haren eta familiaren ohorea, intimitatea eta irudia kaltetzeagatik.
Segurtasun Sailaren aurrekontua % 6,4 igoko da 2026an, eta 850 milioi eurora iritsiko da
Bingen Zupiria sailburuak bere sailaren kontuak aurkeztu ditu Eusko Legebiltzarrean. Kontu horiek % 6,4 igo dira, eta lehentasuna ematen diete teknologia modernizatzeari, Ertzaintza indartzeari eta zibersegurtasuna hobetzeari.