Memoria historikoaren herri-ekimena 'boikotatzea' egotzi dio Podemosek Jaurlaritzari
Elkarrekin Podemosen iritzian, "guztiz onartezina" da memoria historikoaren auzian Eusko Jaurlaritzak izan duen jarrera. Jon Hernandez koalizioko bozeramailearen ondokoak azaldu duenez, Euskadin Memoria Historikoaren Legea izan zedin "urte guzti hauetan oposizioak aurkeztutako ekimenen aurrean ezikusiarena" egin du Jaurlaritzak, baina gai horren inguruko legegintzako herri-ekimena aurkeztu denean, lege zirriborro bat duela iragarri du.
Frankismoko krimenen aurkako plataformak memoria historikoari buruzko legegintzako herri-ekimena aurkeztu zuen Legebiltzarrean duela astebete. Orain Legebiltzarreko Mahaiak tramitera onartu behar du, eta izapidea beteta, 10.000 sinadurak biltzeko prozedura abiaraziko luke EAEko Hauteskunde Batzordeak.
Hernandezek salatu duenez, Eusko Jaurlaritza, eta bereziki EAJ, memoria historikoaren euskal legea garatzearen aurka azaldu dira legegintzaldi guztian, uste baitzuten Gogora Institutua arautzen duen legea gaurkotuta nahikoa zela.
Hori horrela, koalizio moreak "harriduraz" hartu du Eusko Jaurlaritzak egindako iragarpena. Urkulluk buru duen exekutiboak EFE albistea agentziari azaldu diotenez, urte hasieran ekin zioten gaia aztertzeari, eta lege proposamena uda osterako egon daiteke prest.
Hernandezek uste du zirriborro horrekin herri-ekimenari "boikota egin" nahi dio Jaurlaritzak. "Bazekiten euren babesik gabe onartu behar zela, EH Bilduk, PSE-EEk eta guk geuk alde bozkatuko genuela iragarri baikenuen", azaldu du.
"Gaia delikatua da, eta euren irudia zuritzeko egin dute iragarpena", adierazi du Elkarrekin Podemoseko kideak. Horren esanetan, "EAJk harrokeriaz jokatu du, eta hanka sartu du bere programan eta legegintzaldi egutegian ez duelako memoriarekin lotutako ekimenik sartu".
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.