'Alderdi Sozialistak jokabide harroputz eta agintzailea du Madrilen eta Nafarroan'
Nafarroako Gobernua osatzeko negoziazioak aurrera doazen bitartean, EH Bilduk elkarrizketa mahai horretatik at jarraitzen du. Bakartxo Ruiz EH Bilduk Nafarroan duen bozeramailearen esanetan, koalizioaren baitan eztabaida handia dago PSNk EH Bildurekiko duen jarrera dela eta. Izan ere, Alderdi Sozialistak uko egin dio EH Bildurekin hitz egiteari. Bakartxo Ruizen esanetan, oinarriek erabakiko dute EH Bilduk zer egingo duen Maria Chiviteren (PSN) inbestiduran. Zehazki, Nafarroako mahai politikoak hartzen duen erabakia berretsi beharko dute. Hala ere, PSN gauzak zail jartzen ari dela onartu du, esertzeari uko eginda.
Radio Euskadin egin dioten elkarrizketan, PSNri galdetu dio ea zein alderdi politikotan sostengatuko den legegintzaldian zehar gehiengo egonkorra bermatzeko.
PSN, Geroa Bai, Podemos-Ahal Dugu eta Izquierda-Ezkerrak lorturiko aurrekoardioari buruz galdetuta, harrituta agertu da, haren esanetan, "oso azkar" erdietsi dutelako adostasuna. 2015eko akordio programatikoarekin alderaketa eginda, eduki aldetik oso ezberdina dela eta orduan laukoak gehiengo absolutua zuela azpimarratu du. Aurrekordioak "elkarbizitzaz" hitz egitea eta gero EH Bildu bazterrean uztea deitoratu du. "Madrilen eta Nafarroan serioa ez den estilo harroputza erabiltzen du", gaineratu du.
Jatorrizko informazioa Radio Euskadik landu eta eitb.eus-ek itzuli du
Albiste gehiago politika
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".