PSOEk Irene Monterori presidenteordetza ematea onartu duela argitu du Calvok
Carmen Calvo Espainiako jarduneko presidenteordeak baieztatu duenez, Irene Monterori presidenteordetza bat emateko Unidas Podemosek egindako eskaria onartu du PSOEk.
Diputatuen Kongresuko patioan egindako adierazpenetan ziurtatu duenez, inbestidurako azken bozketa egin arte, "azken minutura arte", sozialistek Unidas Podemosekin negoziatzen jarraituko dute. Pablo Iglesias Unidas Podemoseko buruzagiak atzo egindako hitzaldiak egoera "zaildu" duela onartu ostean, ukatu egin du PSOEk Unidas Podemosi politika "dekoratiboak" eskaini dizkiola.
Jarduneko presidenteordearen hitzetan, bere alderdiaren baitan harriduraz hartu zuten Iglesiasen atzoko hitzaldia. Negoziazioen inguruko xehetasunak eman zituen eta, ondorioz, egoera "okertu".
Calvok baztertu egin du PSOEk Unidas Podemosi ministerio edo eskumen "dekoratiboak" eskaini dizkiola, atzo Iglesiasek iradoki zuenaren kontra. Aitzitik, ezkerreko zigilua duten "politika oso garrantzitsuak" eta "lan arlo" oso "erakargarriak" proposatu dizkiotela adierazi du.
Unidas Podemosek erantzun du ez dutela "presidenteordetza sinbolikorik" onartuko
Unidas Podemosek berehala erantzun dio Carmen Calvo Espainiako jarduneko presidenteordeari, PSOEk eskainitako presidenteordetza ez dutela onartuko esanez. Koalizio morearen esanetan, kargu "sinbolikoa" da, edukirik eta aurrekonturik gabea eta pisu handiko eskumenik gabea.
Koalizio moretik diotenez, PSOEk eurentzat gorde duen presidenteordetzak ez du ekintza politikorik, edukirik edota aurrekonturik. Gaineratu dutenez, sozialistek eskaini dioten gauza konkretu bakarra haurtzaro gaietako zenbait eskumen dira.
Zure interesekoa izan daiteke
Aragoin parte-hartzea % 56,34koa izan da 18:00etarako
2023ko bozetan izandako datuarekin alderatuta, % 1,51 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.