Foro Sozialak uste du legealdi berria Nafarroan bizikidetzarena izan behar dela
Foro Sozialak uste du legealdi berria Nafarroan bizikidetzarena izan beharko litzatekeela, eta laster osa daitekeen Foru Gobernua helburu hori lortzeko ona izan daitekeela iritzi dio. Alabaina, bizikidetza ezartzeko bidean Altsasuko auzia oztopoa dela ohartarazi du.
Foro Sozial Iraunkorreko ordezkariek agerraldia egin dute gaur, Altsasuko Gurasoak elkarteko kideak ondoan zituztela. Altsasuko zortzi gazteei bi eta hamairu urte arteko kartzela-zigorrak ezarri dizkiete, 2016ko urrian bi guardia zibilekin taberna batean izandako liskarraren harira. Auzitegi Gorenak irailaren 18an aztertuko du Auzitegi Nazionalak emandako ebazpena.
Expe Iriarte eta Txemi Perez Foro Sozialeko bozeramaileek azpimarratu dute "Nafarroan bizikidetza demokratikoa" eraikitzea dela elkarte horren helburua. "Nafarroako gizartean inpaktu handia eragin du urte luzeetako indarkeriak, baina baita Altsasuko zortzi gazteei ezarritako zigorrak ere", adierazi dute.
Auzi hori "neurriz kanpokoa" dela eta auzipetuek nahiz haien senideek "bidegabekeria larria" jasan dutela salatu dute. "Gatazkarik ez dagoela esaten duten epaimahaiak eta Nafarroako nahiz Madrileko sektoreak gertakari haiek indarkeriaren garaiarekin lotu nahi dituzte, baina garai hori, zorionez, denon artean atzean uzten ari gara", erantsi dute.
Altsasuko auziak azken urteotan Nafarroako alderdi politiko eta sindikatuen gehiengoak, gizarte zibilak nahiz Foru Gobernuak berak egindako lana hondatu duela deitoratu dute. Hala ere, urratsak ematen jarraituko dutela berretsi dute.
Egoera politikoari dagokionez, Foro Sozialak uste du "pauso garrantzitsua" eman dutela PSNk, Geroa Baik, Ahal Duguk eta Ezkerrak elkarrekin gobernatzeko programaren zirriborroa adostuta. Nafarroako balizko gobernu berriak duela lau urte hasitako aldaketaren bidetik jarraitzeko balioko duela iritzita, baikor agertu dira.
Gauzak horrela, "bizikidetza demokratikoa" eraikitzen segitzeko deia egin dute, besteak beste, biktima guztiak, salbuespenik gabe, aitortzeko; preso eta iheslari nafarren egoerari irtenbidea emateko; eta oroimena bermatzeko, "gertatutakoa ahaztu gabe, etorkizunari begiratzeko".
Bide horretan Altsasuko auzia oztopoa dela ohartarazi dute, baina kasu hori "aukera" bilakatzeko deia egin dute; izan ere, Altsasuko herriak emandako erantzuna "eredugarria" izan dela eta datozen lau urteotan bizikidetza eraikitzeko Altsasuko eredua jarraitu beharko litzatekeela iritzi diote.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.