Nafarroako Gobernu osaketaren inguruan 'laster' emaitzak izango direla esan du PSNk
Nafarroan, gobernua osatzeko negoziatzen jarraitzen dute PSNk, Geroa Baik, Podemos-Ahal Duguk eta Izquierda-Ezkerrak. Lau alderdiek aurrekordioa sinatu zuten, baina hitz egiten jarraitzen dute Maria Chivite PSNko hautagaia presidente egiteko. Ramon Alzorriz PSNko Antolakuntza idazkariak gaur Tuterako Santa Ana jaien hasieran iragarri duenez, "laster" emaitzak ikusi ahal izango dira mahai gainean.
Ramon Alzorrizen iritziz, negoziazioak bide onetik doaz eta laster gauzatuko da gobernu akordioa. "Elkarbizitzaren, balio sozialen eta hiritarren beharren aldeko apustua egingo duen gobernu anitza izango da", azpimarratu du.
Lau alderdien artean egon den elkarrizketa "etengabea" nabarmendu du Alzorrizek, eta gaineratu du azken akordioa foru gobernuko kontseilaritzetan zehaztea bakarrik falta dela.
"Gai batzuk itxita daude eta beste batzuk, ordea, zintzilik. Madrilen gertatzen dena gertatzen dela akordioa lortuko dugu Nafarroan eta, pertsonalki, sozialistek gidatutako gobernuen aldeko apustua egiten dut Espainian eta Nafarroan", amaitu du.
Uxue Barkos Geroa Baiko eledunak, bere aldetik, zuhurtzia aldarrikatu du negoziazioen baitan. Horrez gain, alde guztiak egiten ari diren lana goraipatu du.
Podemos-Ahal Duguren izenean hitz egin duen Daniel Lopezen hitzetan, koalizio morea gustura dago akordio programatikoan gehitu diren proposamenekin. Gaineratu duenez, koalizioak balizko gobernuan izango duen parte hartzea oinarriek erabakiko dute.
Azkenik Maria de Simon Izquierda-Ezkerrako ordezkariaren esanetan, bere alderdiak "lanak eginda ditu" oinarriek babesa eman diotelako Nafarroako Gobernurako aurrekoardioari.
Zure interesekoa izan daiteke
Aragoiko parte-hartzea ia % 11koa izan da 11:00etan
Jarduneko gobernu autonomikoak parte-hartzearen inguruan emandako lehen datuen arabera, 107.040 aragoiarrek eman dute botoa lehen bi orduetan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.