Sanchez EAJrekin bilduko da datorren astean
Espainiako Gobernuko jarduneko presidentea, Pedro Sanchez, Euskal Herrira etorriko da datorren astean EAJrekin biltzeko, Jose Luis Abalos PSOEko Antolakuntza idazkariak iragarri duenez.
Gainera, Abalosek esan duenez, Sanchezen eta Pablo Iglesias Podemoseko liderraren arteko bilera irailaren bigarren astean izango da, "nazio mailako alderdiekin" bilerak egingo dituztenean.
Asteazkenean, Sanchez Kantabria eta Euskal Herrira joango da, PRC eta EAJrekin berriz harremanei ekiteko. Aste honetan gizarte zibilarekin izandako bilerak bukatuko ditu, sozialistek alderdiei helarazi nahi dieten programa politikoa zabaltzeko.
Abalosek azaldu duenez, Gobernua prestatzen ari den 300 neurri programatikoak "PSOEren hirugarren proposamena" izango dira, eta alderdiaren Exekutibatik igaroko den hirugarren bertsioa, astelehenean.
Iglesiasi inbestidura "erantzukizunez" erraztea eskatu dio, eta ezkerreko hautesleek "ez dutelako muga alderdikideetan sartu nahi" eta gobernu alderdikoi bat osatzeko akordioa espero dutelako.
"Hemen gakoa PPk, Ciudadanosek eta Podemosek dute", esan du jarduneko Sustamen ministroak.
PSOEk hauteskundeetara joan nahi duen galdetuta, ezin dela "horretara jolastu" erantzun du, eta gehitu du ez dagoela inongo informaziorik sozialistei hobeto joan ahal zaiela esaten duenik. "Daukagun datu bakarra maiatzeko hauteskundeetakoa da", zehaztu du.
Arratsaldean, Pedro Sanchezek berak esan du gainerako talde parlamentarioekin bilerak datorren astean abiatuko dituela. Norekin batzartuko den ez du zehaztu, baina alderdiei "eskuzabaltasunez eta egoerak eskatzen duen mailarekin" jokatzeko deia egin dien, hauteskundeak errepikatzea saihesteko.
Estebanek dio inork ez diela deitu
Bestalde, Aitor Esteban EAJko bozeramaileak esan du oraindik inork ez diela deitu inbestidurari buruzko balizko bilera baterako, eta hedabideetan baino ez duela ikusi jeltzaleak datorren asteazkenean bilduko direla Sanchezekin.
Estebanek azaldu duenez, Luis Abalos PSOEko idazkari nagusi eta Espainiako Gobernuko jarduneko Sustapen ministroak uztailaren 27an egin zion orain arte jaso duten dei bakarra, eta ordutik ez dute "ezer gehiago" jakin.
Orduan, sozialistek "deituko zutela esan zuten, baina inork ez du deitu", azaldu du Estebanek. Hala, eta gerora EAJri inork ez diola "ezer" esan azpimarratu du.
Jose Antonio Suso EAJren Arabako presidentearen ustez, Sanchez "luzamendutan dabil" inbestidura babestu lezaketen alderdiekin izan beharreko bilerekin, eta hauteskundeen arriskuaz ohartarazi du. Gainera, “seriotasuna” eskatu du.
Onda Vascari egindako elkarrizketa batean, Susok esan du ez duela PSOEren jarrera ulertzen, Carmen Calvoren adierazpenei erreferentzia eginez. Jarduneko presidenteordeak esan zuen Sanchezek ez duela beste buruzagiekin biltzeko beharrik, ez zuelako Erregearen enkargurik Gobernua osatzen saiatzeko.
Zure interesekoa izan daiteke
Aragoiko parte-hartzea ia % 11koa izan da 11:00etan
Jarduneko gobernu autonomikoak emandako lehen parte hartze datuaren arabera, 107 040 aragoiarrek bozkatu dute lehen bi orduotan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.