Auzitegi Gorena Altsasuko gazteek aurkeztutako errekurtsoak aztertzen ari da
Altsasu auziaren azken atala idatzi da gaur. Zortzi gazteen defentsak Auzitegi Nazionalaren epaiaren kontra aurkeztutako helegiteak aztertzeko, Auzitegi Goreneko Zigor arloko Aretoak saio publikoa egin du asteazken honetan. Zigortutako zortzi gazteak absolbitu edota zigor txikiagoa jaso behar duten erabakiko du Gorenak hemendik aurrera, defentsaren helegiteen nondik norakoak entzun eta gero.
Auzitegi Nazionalak 2 eta 13 urte arteko espetxe-zigorrak ezarri zizkien gazteei, 2016ko urriaren 15ean Nafarroako herrian izandako liskarraren harira. Auzitegiak terrorismo delitua baztertu zuen, baina zigor handiak ezarri zizkien zortzi akusatuei honako delituak egotzita: agenteen kontrako atentatua, lesioak, desordena publikoak eta mehatxuak. Delituoi bi astungarri (nagusitasun-egoeraz abusua eta gorrotoa) erantsi zien Auzitegi Nazionalak.
Ikustaldia 10:30ean hasi eta 14:00etan amaitu da, defentsaren eta Fiskaltzaren argudioak entzun ostean. Andres Martinez Arrieta magistratua Gorenaren epaimahaiaren buru izan da; epaiketan, halaber, Antonio del Moral, Andres Palomo, Susana Polo eta Vicente Magro epaileek parte hartu dute.
Oihan Arnanz, Jokin Unamuno, Adur Ramirez de Alda, Jon Ander Cob, Julen Goikoetxea, Aratz Urrizola, Iñaki Abad eta Ainara Urkijo akusatuen bost abokatuek absoluzioa eskatzeko argudioak azaldu dituzte bi orduz; guztira, 18 arrazoi eman dituzte.
Abokatuak epaiketan. Argazkia: EFE
Hasteko, Concepción Espejel epailearen jarrera "alderdikoia" salatu du defentsak; Auzitegi Nazionalean Altsasuko gazteek izandako lehen epaimahaiko presidentea izan zen Espejel, eta guardia zibil batekin ezkonduta egoteaz gain Guardia Zibilen domina bat jaso izana leporatu zioten jarrera alderdikoia argudiatzeko.
Era berean, "kargu-froga nahikoen eza" zein "ikerketaren alderdikeria" azpimarratu dute, Koxka tabernan gertatutakoa Guardia Zibila berak ikertu baitzuen, "biktimak eta ikertzaileak nahastuta".
Halaber, taldeko ezagutze-saioan izandako irregulartasun larriak aipatu dituzte abokatuek, "eskandalu bat" izan baitzen. Defentsaren arabera, Hegoamerikako eta Arabiako lagunen artean kokatu zituzten akusatuak.
Horrekin jarraituz, defentsako bost abokatuentzat, ez dago diskriminazio ideologikorik, Gaurdia Zibila ezin baita "zaurgarritzat hartu". Gainera, "iritizi-desberdintasun nabaria dago agenteen artean", esan dute.
Defentsak gogor jo du ebazpenen aurka, zigorrak gehiegizkoak direla iritzita, "lesioak ez zirelako hain larriak izan". Gainera, guztiek erasoa egin izana ukatu dutela eta batzuk tabernan ere ez zeudela adierazi dutela gogorarazi dute.
Izan ere, ebazpenean "guztia generikoa" omen da, "pertsonei buruz hitz egiten da, izenik eman gabe", eta akusazioaren lekuko garrantzitsuenak "kartzelan egon beharko ez lukeen jendea kartzelan sartu dutela" esan zuela azpimarratu dute.
Era berean, defentsa aurkeztutako lekukoen testigantza ebazpenean agertu ere ez dela egiten salatu dute, eta horrek agerian uzten duela defentsaren frogek ez dutela ezer balio.
Fiskaltza: "Eraso ideologikoa izan zen"
Bestalde, fiskalak errekurtsoak bertan behera uzteko eskatu du, eta bertan gertatutakoa "eraso ideologiko bat" izan zela esan du.
Fiskalaren arabera, erasoa biktimak guardia zibilak zirelako gertatu zen eta Guardia Zibiliari egindako diskriminazio ideologikoa izan daitekeela babestu du.
"Ez da haragi errea bazkaltzeko lotu den lagun elkarte bat. Espainiari, erregeari eta espainiarrei leiala den instituzioa da. Eraso ideologiko baten helburu izan daitezke", esan du.
Terrorismo deliturik ez, baina zigor handiak
Auzitegi Nazionalak bi epai eman ditu Altsasu auziari buruz: Zigor arloko epaitegiak, iazko ekainean; eta Apelazio aretoak, 2019ko martxoan, zigorrak berretsita. Bigarren epai horretan Iñaki Abadi ezarritako zigorra 10 urtetik 6 urtera jaitsi zuten; izan ere, bi lesio-delitu egotzi zizkioten, eta ez lau.
Gainerako kasuetan, Apelazioko aretoak hasierako epaia baieztatu zuen: 13 urte Oihan Arnanzentzat; 12, Jokin Unamunorentzat eta Adur Ramirez de Aldarentzat; 9, Jon Ander Cobentzat, Julen Goikoetxearentzat eta Aratz Urrizolarentzat; eta 2, Ainara Urkijorentzat. Azken hori da kartzelan sartu ez den kondenatu bakarra.
Bideoa: Bel Pozueta, Gorenaren atarian
Zure interesekoa izan daiteke
Javier de Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du. Ostegunean Legebiltzarrean izandako polemika hizpide izan du.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.