Euskal herritar gehienek presoen omenaldiak 'gaitzesten' dituztela esan du Urkulluk
Iñigo Urkullu lehendakariak “gaitzespenik irmoena” adierazi du presoei egiten zaizkien omenaldi publikoen aurrean, eta euskal herritar gehienek “ekintza horien erabateko gaitzespenarekin bat” egiten dutela ziurtatu du.
Uztaileko azken asteburuan, Xabier Ugarte eta Jose Jabier Zabaleta preso ohiei Oñatin eta Hernanin egin zizkieten harrera ekitaldiei buruz Carmelo Barrio PPko legebiltzarkideak egindako galdera bati erantzunez egin ditu adierazpen horiek Urkulluk. Zehazki, Ugartek 22 urte egin zituen espetxean, eta Zabaletak 29.
Testuinguru horretan, gisa horretako ekitaldiak leku publikoetan ez egiteko Eusko Jaurlaritzak hartuko dituen neurriei buruz galdetuta, lehendakariak gogorarazi du Ertzaintzari ez zitzaiola jakinarazi elkarretaratze edo manifestazio horiek “omenaldi” izaera izango zutela, eta, gainera, ez zela harrera ekitaldi horiek egitea eragozten zuen agindu judizialik jaso.
Halaber, horrelako elkarretaratzeetan parte hartzen duten adin txikikoen inguruan galdetuta, Eusko Jaurlaritza “legezkotasunaren esparruan eta kasu bakoitzean ezartzen den agindu judizialaren arabera jardutera behartuta” dagoela erantzun du. “Auzitegiak dira antolatutako ekitaldien izaera zehazten dutenak, eta, horietako bakoitzaren izaeraren arabera, ekitaldia baimentzea, debekatzea edo ikertzea erabakitzen du”, azpimarratu du lehendakariak.
Hala, ikuspegi legala alde batera utzita, ikuspuntu politiko eta instituzionaletik aztertuta, preso ohiei jendaurrean egiten zaizkien harrera ekitaldiak "etikoki arbuiagarriak" direla esan du Urkulluk.
Ostegunean, PPren legez besteko proposamen bat onartu zuen Eusko Legebiltzarrak, EH Bilduren ezezko botoekin, kartzelatik irten diren ETAko preso ohiei arrandia publikoz egindako “aintzatespen ekitaldiak” egitea arbuiatzeko. Testuan, omenaldiak antolatzen dituztenei horiek “egiteari uzteko” eskatu diete, eta terrorismoaren edo giza eskubideen urraketen biktimen aurkako “laidoa, umiliazioa eta berbiktimazioa” saihesteko neurriak har ditzatela eskatu diete dagokien botere publikoei.
Erabilera politikoa salatu du Otegik
Bestalde, Arnaldo Otegi EH Bilduko koordinatzaile nagusiak uste du presoen harrera publikoen aurkako ekimenek, hala nola Eusko Legebiltzarrean onartutakoak, koalizio subiranista zatitu nahi dutela eta "ez dagoela horiek aurkezteko arrazoi etikorik, politikoak baizik".
Herri Irratian egindako elkarrizketa batean, Otegik esan du "preso batzuek biktimak eragin dituztela eta beste batzuek ez", baina "hau erabat orokortu" dela salatu du.
"Jendeak bere zigorra betetzen du, etxera etortzen da eta jendeak harrera egiten dio. Nola saihestuko dugu hori?, Herritarrek zergatik ez dute harrera egiteko eskubidea izan behar? Beste gauza bat da norbaitek harrera hori gauza bat edo bestea dela interpretatzea", gaineratu du.
Gauzak horrela, EH Bilduko buruzagiak "auzi hau beste modu batera jorratzeko deia" egin du, eta PPk Legebiltzarrean aurkeztutakoa "Coviteren ekimen bat" dela ziurtatu du. "Nik ez dut inoiz biktimen inguruan hitz egin, baina uste dut Covite ez dagoela bizikidetza termino demokratikoetan edo eraikitzaileetan gauzatzearen alde", gaineratu du.
"Iragana etengabe hona ekartzen saiatzen den jendea dago, baina oker daude", adierazi du Otegik. Ildo horretatik, ezker abertzalea "guztiaz hitz egiteko prest" dagoela berretsi du, eta "sakabanaketaz, gaixo dauden presoez eta presoen askatasunaz ere" hitz egiteko deia egin du.
"Zortzi urte daramatzagu esaten honi irtenbide bat eman behar zaiola, eta mahai batean eseri behar garela. Alabaina, arazo hau ez konpontzeko nolabaiteko interesa dagoela uste dugu, auzi hau horrela jarrai dezan; arreta desbideratzen duelako, beti gauza berari buruz hitz egiten dugulako eta honekin EH Bilduren ikuspuntua zatitzen dugula uste dugulako", adierazi du EH Bilduko koordinatzaile nagusiak.
Bere ustez, "konpondu edo gainditu beharreko arazo larri bat da hau". “Etikaren inguruko eztabaida bat egitea gustatuko litzaidake, baina uste dut hau bezalako ekimenen atzean ez dagoela arrazoi etikorik, arrazoi politikoak baizik ", adierazi du Otegik.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.