Cuixartek 'sakrifizio' gehiago eskatu du: 'Manifestazioekin ez da nahikoa'
Jordi Cuixart Omnium Culturaleko presidente ohia bederatzi urtera zigortu zuen Auzitegi Gorenak, sedizio delituagatik. Kartzelatik, idatzizko elkarrizketa eman dio TV3ri eta bertan, aldaketak eskatu dizkio mugimendu subiranistari, "bakoitzak galde diezaiola bere buruari zer sakrifikatzeko prest dagoen, manifestazioekin ez baita nahikoa eta konpromiso gehiago hartu behar baitira" esan du.
Cuixartek adierazi du prozes-aren epaiak "ateak irekitzen" dizkiola "totalitarismoari" eta Kataluniako erakundeek zein alderdi politikoek "erantzun bateratua eta adostua" eman behar dutela.
Oraintxe independentismoak estrategia bateratutik ez izatea kritikatu du: "Politikariei arazoak konpontzeko ematen diegu botoa, horregatik kobratzen dute. Benetan ezin dutela erantzun bateratu bat eman Kataluniako Parlamentuak eta Gobernuak?".
Mugimendu subiranistak "aldatu" egin behar duela ere uste du Cuixartek. "Bakoitzak galde diezaiola bere buruari zer sakrifikatzeko prest dagoen. Manifestazioekin jada ez da nahikoa, konpromiso gehiago hartu behar dira. Eta gizartearen zati bati kostatu egiten zaio hori" hausnartu du.
Gizartearen funtzioa "presioa egitea" dela ere adierazi du, "indarkeriarik gabe, beti ere, eta oinarrizko eskubideak egikarituz".
Omnium Culturaleko presidente ohiaren iritziz, "etengabeko" mobilizazioek "Estatua mugiaraztea" lortuko dute. "Amnistia, autodeterminazioa eta Estatuak negoziatu beharko duen irtenbide politiko" direla helburuak zehaztu du.
Zure interesekoa izan daiteke
Rufianek bilera erronda abiatuko du, PSOEren ezkerrera kokatuko litzatekeen aliantza bat proposatzeko
Gabriel Rufian ERCren Kongresuko bozeramaileak ezkerreko indarrekin egiazko espazio plurinazionala" eratzea defendatu du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.