Torrak Sanchezi: 'Zuk ez didazu indarkeria gaitzesteko leziorik emango'
Quim Torra Generalitateko presidenteak Pedro Sanchez Espainiako jarduneko gobernuburuari gutun bat bidali dio larunbat honetan. Indarkeriaren aurka borrokatzeko edo gaitzesteko orduan lezioak eman nahi izatea aurpegiratu dio Sanchezi.
Generalitateko bertsioaren arabera, Sanchezek ez du Torraren telefono dei bat hartu eta, aldiz, Moncloak erantzuteko mezu bat bidali du komunikabideen bidez, aurrena indarkeria "irmo" gaitzesteko eskatuz.
"Indarkeria gaitzetsi eta haren aurka borrokatzeko orduan zuk ez didazu leziorik eman behar, azken urteetan nik, mugimendu independentistak bezalaxe, indarkeria guztiak gaitzetsi ditut beti", gogorarazi du.
Torraren hitzetan, Sanchezek "kataluniarren ordezkariarekin hitz egiteari uko egiten dio eta, are okerrago, inolako elkarrizketarik ez du nahi".
Zentzu horretan, "Kataluniarentzako kontakizun politikorik eta proposamenik ez duela berriro agerian geratu da", salatu du.
Une honetan "elkarrizketari uko egitea", Gorenaren epai "bidegabeak kataluniarren haserrea" piztu ondoren, nazioarteak "inola ere ulertuko ez duen erabateko arduragabekeria da", ohartarazi dio Torrak Sanchezi.
Hala eta guztiz ere, elkarrizketa aldarrikatzeari utziko ez diotela esan du Kataluniako presidenteak: "Beti aurkituko gaitu, autodeterminazio eskubidearen ariketan Kataluniaren eskubide legitimoaz hitz egiteko prest".
"Ez dagoen aitzakiarik" ez bilatzeko eta "politika demokratikoki egiteko" erantzukizuna onartzeko eskatu dio Torrak Espainiako jarduneko gobernuburuari.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliario bat egin da"
EH Bilduk "anbizio handiko" plan bat aurkeztu du, etxebizitza merkatuan "bai ala bai" esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren aldekoa, "ahalegin publikoa 10ez biderkatuz"; eta etxebizitzaren "funtzio soziala babestearen" aldekoa da koalizioaren plana, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.