Autodeterminazioaz eztabaidatu ezin dutela ohartarazi dio Konstituzionalak Torrenti
Espainiako Auzitegi Konstituzionalak hirugarren ohartarazpena igorri die gaur Roger Torrent Kataluniako Parlamentuko presidenteari eta Ganberako horretako Mahaiko kideei, bere aginduak betetzen ez badituzte, desobedientzia delitua izan daitekeela abisatuz.
Joan den urriaren 22an, Parlamentuko Mahaiak autodeterminazio eskubidearen eta Kataluniako subiranotasunaren aldeko eta Espainiako Erregearen kontrako ebazpen bat eztabaidatzea adostu zuen. Gainera, hilaren 29an, proposamen horren aurka PSCk, Ciudadanosek eta PPk egindako eskaera bat atzera bota zuen.
Testuinguru horretan, Espainiako Gobernuak Auzitegi Konstituzionalera jo zuen, Kataluniako Parlamentuko Mahaiak onartutako bi ebazpen horiek baliorik gabe uzteko eskatuz, eta honek hala egin zuen.
Beraz, autodeterminazio eskubidearen aldeko edo Espainiako Erregea arbuiatzeko edozein ekimen parlamentario geldiarazteko obligazioa daukatela ohartarazi die gaur Konstituzionalak Mahaiko kide guztiei.
Torrent: "Ez dut zentsurarik onartuko"
Bestalde, Roger Torrentek azpimarratu du ez dituela Konstituzionalaren mehatxuak kontutan hartuko, Kataluniako Parlamentuan "denaz hitz egiteko aukera egon behar delako".
"Kataluniako Parlamentuan denaz hitz egin eta eztabaidatu eta dena bozkatu daiteke. Hori da diputatuen adierazpen askatasuna bermatzea eta ordezkatzen dituzten herritarren eskubideak babestea", azaldu du.
Hortaz, Kataluniako buruzagi independentisten kontrako epaia salatzeko ERCk, JxCATek eta CUPek adostu zuten proposamena Parlamentuan eztabaidatzea eta bozkatzea galaraziko ez duela ziurtatu du.
"Espainiako Gobernuak niregan jarri du ardura guztia, baina Espainiako Gobernuak ez du ulertu nahi debekatu nahi duen eztabaidak bizirik jarraituko duela Kataluniako gizartean. Hau ez da presidente baten araberako gaia", zehaztu du.
Horrez gain, eztabaida parlamentarioak mugatzea "oso garrantzitsua" dela esan du eta gogora ekarri du autodeterminazio eskubideari buruzko ebazpenak 1989tik onartu direla Kataluniako Ganberan.
"Mahaiko kideei eta Parlamentuko presidenteari mehatxu egiteko" Auzitegi Konstituzionalak premiazko bilera egin izana ez dela normala salatu du.
Amaitzeko, Pedro Sanchez Espainiako Gobernuko jarduneko presidenteari "jazarpen parlamentarioari" uko egin diezaiola eta "politikaz hitz egiteko mahai batean" eseri dadila eskatu dio.
Zure interesekoa izan daiteke
Transferentzien asteleheneko bilera urtarrilaren 16ra atzeratu dute, ez dagoelako “beharrezko baldintzarik” bermeekin egiteko
Eusko Jaurlaritzak eta Espainiako Gobernuak egin behar zuten bilera bermeekin gauzatzeko baldintzarik gabe, bi aldeek atzeratzea adostu dute. EITBk kontsultatutako Autogobernu sailaren iturrien arabera, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.