Iruñeko Udalak euskararen ordenantza kendu eta 1997kora itzuli nahi du
Iruñeko Udalak aurreko agintaldian, maiatzean, onartu zuten euskararen ordenantza bertan behera utziko du, eta ordura arte indarrean zegoenera, 1997kora, itzuli nahi du, "hizkuntza-politika justua" ezartzeko eta "enplegu publikorako aukera berdintasuna bermatzeko".
Horixe adierazi dute Enrique Maya alkateak eta Maria Garcia-Barberena Kultura eta Berdintasun zinegotziak prentsaurreko batean, neurria legezkoa dela eta eremu mistoko baldintzak betetzen dituela azaldu aurretik.
Garcia-Barberenak jakinarazi du indarrean dagoen ordenantzako artikulu ia guztiak aldatuko dituztela 1997ko testura itzultzeko, eta azken horretan ere bi artikulu aldatuko dituztela gehitu du, elebitasunaren exijentzia kentzeko.
Udal Gobernuaren Batzordeak onartutako proiektuak ez du "administrazio arteko erabateko elebitasuna inposatzen, eta hizkuntza hartzailearen borondatearen arabera erabakiko da", Mayak azaldu duenez.
Era berean, "herritarrei euskaraz hitz egiteko eta hizkuntza horretan erantzuteko eskubidea bermatzen die" idatziz eta ahoz, baina "lanpostu ugari euskara menderatzen dutenentzat mugatu gabe". Alkateak gaineratu duenez, euskaldunei mugatutako plazak atera beharrean, euskaldunak diren erreferentziazko langileak ezarriko dira.
"Pertsona batek eskaera bat euskaraz eginez gero, euskaraz jasoko du erantzuna", baina ezingo du eskatu funtzionario jakin batek euskaraz erantzutea; izan ere, horrek "guztiek euskaraz hitz egiten jakitera behartzen du", eta hori ez du zuzen ikusten alkateak.
Udalaren iruditeriari ere eragingo dio proiektuak, eta aurrerantzean hartzaileen arabera erabakiko du informazioa elebitan jarri edo gaztelania hutsean. Gainera, iragarkien % 25 izango da gehienez elebiduna; aurreko arauak, aitzitik, iragarkien % 100a elebiduna izatea behartzen zuen.
Lanpostuak eskaintzen direnean ere ez da nahitaez euskararen balorazioa ezarriko eta, euskaldunei bideratutako lanpostuak egongo badira ere, ez da eskakizun orokorra izango eta Udalak erabakiko du zein postuk duen behar handiagoa eta zein maila.
Euskarazko profilik eskatzen ez duten deialdietan, euskara gainerako hizkuntzak baino % 25 gehiago baloratzeko aukera egongo da. Balorazio hori, baina, aukerakoa izango da, lanpostuaren ezaugarrien araberakoa, hain zuzen.
Udaleko taldeei proposamena helarazi diete, bihar bertan aurkeztuko baitute udal-batzordean. Ostegunean behin betiko onartzeko asmoa dago, baina Udalak onartu du agian proiektua atzeratu daitekeela, nahikoa babes lortzen ez badu.
Zure interesekoa izan daiteke
Pradalesek gehiengo sindikala hartuko du gaur, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.