EH Bilduk eta ERCk oinarriei galdetuko diete zer egin Sanchezen inbestidura saioan
EH Bilduk eta ERCk jakinarazi dutenez, azaroaren 10eko hauteskunde orokorren ondotik egingo den inbestidura saioan emango duten botoaren inguruko kontsulta egingo diote militantziari.
EH Bilduk ohar batean azaldu du Mahai Politikoak botoaren inguruko erabakia hartzeko prozedura onartu, eta azken erabakia oinarrien esku uztea zehaztu duela gaur.
Oharrean diotenez, "behin inbestidura saioa noiz egingo den jakiten denean, batzarra deituko du EH Bilduk, eta bertan hartuko dute erabakia ezkerreko indar subiranistaren oinarriek. Aldi berean, batzar horretan parte hartzeko deia egingo die EH Bilduk azken hauteskundeetan indar subiranistan beren konfiantza jarri zuten herritarrei. Botoaren zentzuaren inguruko proposamena prestatuko du aurretik Mahai Politikoak, batzar horretara eramateko. Mahai Politikoak egindako proposamena onartu edo ez erabakiko dute ezkerreko indar subiranistako oinarriek".
ERC
Bestalde, ERCk datorren astelehenean bertan, azaroaren 25ean, egin nahi dio kontsulta militantziari.
Miltanteek elektronikoki parte hartu ahal izango dute kontsultan, eta galdera honi erantzun beharko diote, Efe albiste-agentziak ERCko iturriak aipatuta jakinarazi duenez: "Ados al zaude Pedro Sanchezen inbestidura errefusatzearekin, aurretik ez badago akordiorik Estatuko gatazka politikoa negoziazio mahai baten bitartez konpontzeko?".
9:00etan jarriko da martxan kontsulta elektronikoa, eta 20:00etan amaituko da. Hala, 20:30erako emaitzak ezagutaraziko dituzte.
ERCren 13 diputatuak erabakigarriak izan daitezke Sanchezen inbestiduraren alde bozkatzen badute, edo abstentzioa ematen badute.
ERCko eta JxCat-eko ordezkariek lehenengo bilera egin dute gaur Pedro Sanchezen inbestiduraren aurrean estrategia adosteko, baina ezezkotik abiatuta.
Sanchez
Pedro Sanchez Espainiako Gobernuko presidenteak "datozen asteetan" blokeoa amaituko dela eta egonkortasun "aro berria" irekiko dela espero du, "desadostasunak eta ezinikusiak gutxitzeko" eta "politikak politikarekin berriro bat egin dezan".
Enpresa Familiarraren Europako Kongresuan adierazi duenez, lau urtetan lau hauteskunde orokor izan ostean, "Espainiak egonkortasuna behar du lehenbailehen".
Pablo Iglesias Podemosen buruarekin sinatutako ituna aipatu ez badu ere, bide horretan "urrats erabakigarria" egin dutela azpimarratu du.
Albiste gehiago politika
Etxanobe: "Guggenheim Urdaibairen bideragarritasuna epe motz-ertainean baldintzatzen duten elementuak daude"
Bizkaiko Ahaldun Nagusiak lurraldeko Batzar Nagusietan erantzun die oposizioko kideei, esanez bere gobernuak gardentasunez jokatu duela proiektu honi dagokionean. Bideragarritasuna landu den arren, epea baldintzatzen duten elementuak ere badaudela jakinarazi du, besteak beste, prozesu judizialak, deskontaminazio-lanak eta hirigintza-izapideak.
EAJk formatu berriz ospatuko du Alderdi Eguna igandean, 'Batzen gaituzten hariak' lelopean
Aurten, eszenatokia zelaiaren erdian egongo da, biribila izango da, eta lau pantaila erraldoi jarriko dituzte, afiliatuek bertan gertatutako guztiaren berri izan dezaten. EBBk adierazi duenez, formatu berritzaile horrekin, EAJ, alderdi gisa erdian dagoela, herriaren eraikuntzan funtsezkoa dela eta gizartearekin batera eboluzionatzen duen alderdi dinamikoa dela irudikatu nahi dute.
Etxanobek adingabeen harrera ereduari buruz "sakon hausnartzea" eskatu du
"Inplikazio sozial eta instituzional handiagoa eskatzen dugu, bereziki gertakari larrien aurka egin behar denean, hala nola adingabeen nazioarteko fluxua eta gure lurralderako sarbidea kontrolatzen duten mafiak egiten dituztenean, eta identifikazio agiri ofizialak faltsutzen dituztenean", ohartarazi du.
Gazara bidean den Global Sumud flotillari laguntzeko ontzi bat bidaliko duela iragarri du Pedro Sanchezek
"Kideek zailtasunen bat izanez gero erreskatatu ahal izateko bidaliko dugu, horrelakorik ez gertatzea espero dugun arren", gaineratu du Sanchezek, eta flotilla horretan dauden espainiarrak "munduko milioika lagunen elkartasunaren adierazgarri" direla adierazi du.
Albiste izango da: 40 urte Monbar Hoteleko atentatua izan zela, Pentsiodunen herri-ekimena eta Zinemaldia
Orainek gaur landuko dituen albiste nagusien laburpena.
Pedro Sanchezek adierazi du emaztea eta anaia errugabeak direla eta egia gailenduko dela
Pedro Sanchez Espainiako Gobernuko presidenteak adierazi du ziur dagoela Begoña Gomez emaztea eta David Sanchez anaia errugabeak direla, eta "denborak gauzak bere lekuan jarriko" dituela, eta egia gailenduko dela. Sanchezek emaztearen eta anaiaren egoera judizialari buruz hitz egin du New Yorken emandako prentsaurrekoan, NBEren goi-bilera dela eta.
40 urte igaro dira Baionako Monbar hoteleko atentatutik, GALek egindako odoltsuena
Lau pertsona hil zituzten, tirokatuta, eta bostgarren bat zauritu zuten. Urte batzuk geroago hilketaren autore materialak epaitu zituzten: Marseillako bi mertzenario. Epaiketan zehar, Espainiako Estatuko zerbitzu sekretuek kontratatu zituztela aitortu zuten, baina ikerketa itxi zuten, froga faltagatik.
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.