Kontu Auzitegiak Puigdemont eta Junqueras deitu ditu, U-1eko gastuak kitatzea xede
Kontu Auzitegiak Carles Puigdemont Kataluniako presidente ohia eta Oriol Junqueras Generalitatearen presidenteorde ohia deitu ditu, 2020ko urtarrilaren 28rako, 2017ko urriaren 1eko erreferendumak sortutako gastuen behin-behineko kitapena zehaztea xede.
Societat Civil Catalanak (SCC) jakinarazi duenez, urriaren 1eko kontsultarekin lotutako beste kontseilari ohi batzuk ere deitu dituzte; besteak beste, Neus Munte, Toni Comin, Clara Ponsati, Jordi Turull, Raul Romeva, Josep Rull eta Joaquim Forn.
Fiskaltzak eta SCCk adierazi dutenez, Kontu Auzitegiak gastu horiek ordaintzeko edo horiei abala emateko eskatuko die; egingo ez balute, deitutakoen ondasunak bahitzeari ekingo liokete. 2017ko erreferendumaren antolatzaileen aurkako salaketa aurkeztu zuen Societat Civil Catalanak.
Urtarrilaren 28an, 09:30ean
Guztira, garai hartako hogeita hamar bat kontseilari ohi eta Kataluniako Gobernuko goi-kargu deitu dituzte, "erreferendumaren gastuekin eta ordainketekin lotutako behin-behineko kitapenaren praktikarako".
2017ko urrian goi-karguak zirenen artean, hauek deitu ditu Kontu Auzitegiak: Amadeu Altafaj, Natalia Garriga, Ignasi Genoves, Jaume Mestre, Antoni Molons, Joaquim Nin, Eva Maria Pardo, Teresa Prohias, Albert Royo, Jordi Serra, Francesc Sutrias, Josep Vidal, Rosa Vidal eta Aleix Villatoro. Auzitegiak zehaztu duenez, zuzenean agertzeko aukera izango dute, edo, bestela, "euren eskubide eta interesen defentsarako behar bezala izendatutako ordezkari baten bidez".
Ohar batean, SCCk adierazi du "guztiz beharrezkoa" dela "proiektu horren liderrek hori gauzatzeko erabili duten ditu publikoaren azken zentimoa ere ordaintzea"; izan ere, SCCRen iritziz, erreferenduma "Katalunia hondamen ekonomikora ari da eramaten". Gainera, Societat Civil Catalanaren esanetan, bozketak "zatiketa eta konfrontazioa ekartzen ditu".
Zure interesekoa izan daiteke
Rosa Zarra omentzeko plaka jarri du Donostiako Udalak, gomazko pilota batek hildakoaren omenez
Dagoeneko 37 plaka jarri ditu Udalak, "espazio publikoan ikusgarritasuna emateko hirian bizia galdu zuten terrorismoaren eta motibazio politikoko indarkeriaren biktimei".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.