Senatua eta Kongresua zuzentzeko Llop eta Batet proposatuko ditu Sanchezek
Pedro Sanchez Espainiako jarduneko gobernuburuak Pilar Llop epaile madrildarra proposatuko du Senatuko presidente izateko. Bestalde, Kongresua zuzentzen jarraitzeko Meritxell Batet aurkeztuko du PSOEko idazkari nagusiak, iturri sozialistek baieztatu eta El Pais egunkariak aurreratu duenez.
Pilar Llop genero indarkerian epaile espezializatu bat da, eta Manuel Cruz ordezkatuko du. Cruzek "beste erantzukizun batzuk hartuko ditu", iturriek azaldu dutenez.
Llop PSOEren senataria da egun, Madrilgo Parlamentuak izendatua. Gainera, Espainiako Gobernuaren Genero Indarkeriarako ordezkaria izan zen 2018ko uztailetik 2019ko apirilera arte.
PSOEko batzorde federala astelehen honetan bilduko da, eta Kongresuko zein Senatuko Mahaiak osatzeko hautagaiak proposatuko ditu, baita bi ganberetako talde parlamentarioak zuzentzeko izenak ere.
Kongresuko eta Senatuko mahaien osaketa bozkatu baino egun bat lehenago erabakiko ditu PSOEk bere hautagaiak; izan ere, azaroaren 10ean aukeratutako diputatuek eta senatariek bi ganberak osatzeko saioa izango dute biharamunean.
Meritxell Batet Diputatuen Kongresuan. Artxiboko argazkia: EFE
Kongresuan, PSOEk eta Unidas Podemosek gehiengoa ziurtatu nahi dute Mahaian, bederatzi kideetatik bost bereganatuta. Nahiz eta PPri eta Ciudadanosi Vox baztertzearen truke gainerako lau lekuak banatzeko laguntza eskaini, PPk babes hesi batean parte hartzeari uko egin dio; izan ere, Andaluzia, Murtzia eta Madrilgo gobernuetan Abascalen alderdia bazkide du. Horrela gauzak, sozialistek eta indar moreak presidentetza, bi presidenteordetza eta bi idazkaritza lortu nahi dituzte.
Senatuan, printzipioz, sozialistek Mahaiko lau leku bereganatu behar dituzte, iturri parlamentarioen arabera, eta PPk gainerako hirurak. Hala ere, PSOE hiru eserlekurekin geratzeko aukera ere badago: presidentetza, presidenteordetza bat eta idazkaritza bat. Ondorioz, laugarren lekua beste alderdi baten esku utziko lukete sozialistek, babesaren ordainetan.
EAJren kasua izan daiteke, aurreko legealdian egin bezala, PSOEk Mahaiko toki bat laga baitzion. Hala ere, sozialistek lau lekuekin geratzea eta Senatuko organoan gehiengoa ziurtatzea ez dute baztertzen iturriek. Hala eta guztiz ere, Goi Ganberaren inguruko negoziazioak Kongresukoekin eta Pedro Sanchezen inbestidurarekin lotu dituzte.
Sozialistek 113 eserleku dituzte Senatuan, eta gehiengo osoaren muga 133 bototan dago. PSOEk EAJrekin (10) eta ERC-Bildurekin (13) lor dezake kopuru hori, baina baita jeltzaleekin eta Agrupacion Socialista Gomera, PAR, PRC, Geroa Bai eta Coalicion Canaria bezalako alderdiekin, Podemos, MES, Compromis eta Mas Paiseko bost senatariak batuta.
Zure interesekoa izan daiteke
"Fronte zabalak eraikitzea" eskatu du EH Bilduk, "ultraeskuinaren mehatxuaren aurrean"
Koalizio abertzaleak ohar bidez jakinarazi duenez, Sonia Jacinto Antolakuntza idazkaria eta Gorka Elejabarrieta Harreman Politikoetarako idazkaria Argentinara eta Uruguaira joan dira azken egunotan, eta hainbat ordezkari politiko, giza eskubideen aldeko erakunde eta euskal diasporako kiderekin bildu dira han.
Euskadik eta Espainiar Estatuak aldebiko batzorde bat sortuko dute aireportuen kudeaketan parte hartzeko
Aireportu-azpiegiturei buruzko akordioak bi administrazioen arteko lankidetza-organo bat abian jartzea aurreikusten du, indarrean dagoen eskumen-araudia errespetatuz, Euskadik erabaki estrategikoetan esku hartzeko aukera izan dezan.
Euskal Herriaren proiektu nazionala indartzeko beharra azpimarratu du EH Batera herri ekimenak Lizarran
Aberri Egunaren ofizialtasuna eta instituzionalizazioa ere aldarrikatu dituzte ekimeneko ordezkariek gaur Lizarran egin duten ekitaldian. Zehazki, gaur egun ez duen aitortza eta zabalpena emateko eskatu dute, "urrats txikia bezain eraginkorra" izango litzatekeela iritzita.
Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Bizikidetza eraikitzeko, egian oinarritutako memoria eskatu du Eneko Anduezak
Euskadiko sozialista gazteek Oroimen Hegoak sariak banatu dituzte Donostiako Miramar Jauregian. PSE-EEk ezberdin pentsatzeko askatasuna bermatzeko lanean jarraituko duela aldarrikatu du Anduezak.
Euskadiren eraikuntzan buru-belarri arituko den gazteria aldarrikatu du Aitor Estebanek, pankarta atzean geratzen direnen aurrean
EGI egunaren ekitaldi nagusian parte hartu du Aitor Esteban EBBko presidenteak, Mungian. Gizartean eta alderdian euren lekua hartzeko eskatu die gazte jeltzaleei.
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du "lehendakariak argazki bat bilatu duela Madrilen", eta akordioa "kea baino ez" dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.