EH Bilduk eta PPk osoko zuzenketak aurkeztu dizkiete EAEko Aurrekontuei
EH Bilduk eta PPk osoko zuzenketak aurkeztu dizkiete EAEko Aurrekontuei ostegun honetan. EH Bilduk Aurrekontuen Proiektua itzultzea edo, bestela, 234 milioi euroko aldaketak egitea eskatu du; PPk ere eskatu du atzera botatzea, "faltsuak eta oso txarrak" direla iritzita.
Hala, EH Bilduk osoko zuzenketa bat eta 77 zuzenketa partzial aurkeztu dizkio 2020ko Aurrekontuen Proiektuari, eta kontuak itzultzea edo, hori ezinezkoa bada, proiektuan 234,5 milioi euroko aldaketak egitea eskatu diote Eusko Jaurlaritzari.
Maddalen Iriarte EH Bilduk Eusko Legebiltzarrean duen bozeramaileak ostegun honetan eman du ezagutzera, Legebiltzarrean zuzenketak erregistratu ostean, koalizioak Jaurlaritzaren Aurrekontuen Proiektuaren aurrean aurkeztu dituen proposamenen edukia.
EH Bildu taldeak osoko zuzenketa bat aurkeztu du, proiektua Jaurlaritzari itzultzea eskatzeko, Jaurlaritzak egindako kontuek aurreko urteetako "joera bera" dutela iritzita.
Iriartek salatu duenez, Iñigo Urkulluren kabineteak diseinatutako Aurrekontuak "austeritate" parametroetan jarraitzen du, ez ditu azken urteetako gastu publikoan izandako "murrizketak" lehengoratzen, eta, beraz, EAEko gizarte arrakala "larriagotuko" duen proiektua da.
PP: "Kontu faltsuak eta oso txarrak"
Bestalde, Anton Damborenea PPk Legebiltzarrean duen bozeramaileak osoko zuzenketa erregistratu du ostegun honetan Eusko Legebiltzarrean, eta Eusko Jaurlaritzari itzultzeko eskatu du, kontu "faltsuak eta oso txarrak" direla uste baitu; izan ere, "ez du ekonomia sustatzeko neurririk hartzen", eta ez du "kalean bizi den jendearentzat neurri bakar bat ere" proposatzen, "neurri guztiek mesede egiten baitiete Jaurlaritzaren kontura bizi direnei, batez ere Diru Sarrerak Bermatzeko Errenta (DSBE) jasotzen dutenei", esan du.
Damboreneak agerraldia egin du hedabideen aurrean, PPk kontuei egindako osoko zuzenketa Legebiltzarreko erregistroan aurkeztu ostean. PPk 560 zuzenketa partzial eta 15 zuzenketa baino gehiago egin dizkie Eusko Jaurlaritzak igorritako lege-proiektuaren artikuluei.
PPko bozeramaileak azaldu duenez, aurkeztu duten osoko zuzenketak Eusko Jaurlaritzak aurkeztutako lege-proiektua erretiratzea eskatzen du, "faltsua" delako, "ez baita egia Exekutiboak duela bi urte baino diru gutxiago izatea".
"Ezin da onartu duela bi urtekoa baino aurrekontu txikiagoa izatea, urtez urte zerga-bilketaren errekorra gainditu eta defizit helburu guztiak betetzen ditugunean", berretsi du.
Nolanahi ere, EH Bilduren osoko zuzenketak (eta PPk aurkeztutakoak) ez du aurrera egiteko inolako aukerarik, Elkarrekin Podemosen eta Eusko Jaurlaritzaren arteko aurrekontu-akordioaren printzipioak bermatu egiten baitu kontuak ez direla itzuliko, eta abenduaren 27rako aurreikusitako behin betiko bozketara, gutxienez, iritsiko direla.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.