Urkulluk eta Sanchezek gobernagarritasunaz eta Estatu ereduaz hitz egin dute
Iñigo Urkullu lehendakariak eta Pedro Sanchez Espainiako Gobernuko jarduneko presidenteak gobernagarritasunaz eta Estatu ereduaz hitz egin dute gaur, 15 minutu iraun duen telefono bidezko elkarrizketa batean, Eusko Jaurlaritzak jakitera eman duenez.
Aurreikusi bezala, lehendakariak 09:00etan jaso du Sanchezen telefono deia, eta ordu laurden inguru luzatu da. Solasaldi horren ardatz izan diren gai nagusiak gobernagarritasuna eta estatu eredua izan dira, besteak beste.
Hala, Espainiako jarduneko presidenteak lehendakariari esan dio espero duela hau lurralde elkarrizketaren legealdia izatea, eta prest dagoela EAEko Estatutuan egiteke dauden transferentzien egutegia osatzeko, Moncloako iturriek jakitera eman dutenez.
Berritzearen harira, Sanchezek esan dio PSEren bidearen aldeko apustua egiten duela, herritarrak elkartzeko eta Euskadik XXI. mendeko erronkei aurre egin ahal izateko esparru politikoa ezartzeko aukera gisa.
Dena dela, lehendakariak elkarrizketa horren inguruko xehetasun gehiago emango ditu eguerdian, 12:30 aldera, hedabideen aurrean egingo duen agerraldian.
Ostiralean, Urkulluk argi utzi zuen ez dela "taktiken garaia", eta beharrezkoa dela aspalditik "kolokan" dauden gaiei heltzea, Gernikako Estatutuko eskumenak ematea, besteak beste.
Testuinguru horretan, Sanchezek gaur hasi du autonomia erkidegoetako presidenteekin izango duen elkarrizketa sorta. Buruzagi sozialistak, estatutuen antzinatasunaren ordenari jarraiki egingo ditu deiak, iazko ekainean Moncloako topaketa-txandan jarraitutako orden bera jarraituz. Gauzak horrela, lehendakariarekin hitz egin ostean, Quim Torra Kataluniako Generalitateko presidenteari deitu dio Sanchezek.
Sanchez Torrarekin biltzeko prest, gobernua dagoenean
Sanchezek eta Torrak telefonoz hitz egin dute astearte honetan, 9:19an, eta Sanchez prest agertu da Generalitateko presidentearekin "lehenbailehen" biltzeko, Generalitateko Presidentetzako iturriek azaldu dutenez.
Sanchezek Kataluniako "gatazkaren izaera politikoa onartu du berriz ere", eta aurrera egitea beharrezkoa dela adierazi du, iturri horien arabera.
Gatazkaren konponbidea "autodeterminazio eskubidea gauzatzea eta errepresioaren amaiera eta preso politikoen askatasuna" direla defendatu du Torrak. Gainera, Sanchezek bere deiei jaramonik egin ez dielako kexatu da.
Bestalde, hautagai sozialistak Torrarekin biltzeko prest dagoela esan du gobernua dagoenean eta legegintzaldia hasten denean, gainerako erkidegoetako presidenteekin egingo duen bezala.
"Krisi politiko honi erantzuna aurkitzea da Pedro Sanchezen nahia", adierazi dute Moncloako iturriek.
Iturri berdinen arabera, Torrak Espainiako Gobernuko jarduneko presidenteari adierazi dio bere aldarrikapen nagusiei eutsiko diela, eta Sanchezek erantzun dio Espainia "zuzenbidezko Estatu Sozial eta Demokratikoa" dela eta justiziaren independentzia "erabat" defendatzen duela.
Bilera sorta
Elkarrizketa hauek, Sanchezek akordioa bilatzeko adierazi duen borondatearen baitan kokatzen dira, gobernu autonomiko ezberdinek, probintziek eta bertako udalerriek behar dituzten beharrak, arazoak eta irtenbideak mahai gainean jarriz.
Pedro Sanchezek atzo hasi zuen erronda, PPrekin eta Ciudadanosekin hain zuzen ere, Felipe VI.a Espainiako erregeak inbestidurarako hautagai proposatu ostean. Adriana Lastra PSOEren 'bigarrena'k hartuko du Sanchezen lekukoa gainerako alderdiekin biltzeko. Denek onartu dute deialdia, Voxek izan ezik.
Erregearen mandatua jaso ostean, Sanchezek balio aurrerakoiak oinarri izanda gobernatzeko nahia azpimarratu zuen, eta indar politikoekin eta autonomia erkidegoetako arduradun nagusiekin adostasun handiak bilatzen ahaleginduko zela esan zuen.
Albiste gehiago politika
Pradalesek CAF babestu du eta "Gazako genozidioan ez duela laguntzen" azpimarratu du
Imanol Pradales lehendakaria eta Jon Hernandez Sumarreko legebiltzarkidea aurrez aurre izan dira Eusko Legebiltzarreko kontrol saioan. Hernandezek azalpenak eskatu dizkio CAFen Jerusalemgo tren arinaren proiektua dela eta, enpresa gipuzkoarrak Jaurlaritzaren akziodunen partaidetza baitu. Pradalesek, berriz, herri palestinarrak bizi duen drama ez instrumentalizatzeko eskatu dio.
Etxanobe: "Guggenheim Urdaibairen bideragarritasuna epe motz-ertainean baldintzatzen duten elementuak daude"
Bizkaiko Ahaldun Nagusiak lurraldeko Batzar Nagusietan erantzun die oposizioko kideei, esanez bere gobernuak gardentasunez jokatu duela proiektu honi dagokionean. Bideragarritasuna landu den arren, epea baldintzatzen duten elementuak ere badaudela jakinarazi du, besteak beste, prozesu judizialak, deskontaminazio-lanak eta hirigintza-izapideak.
EAJk formatu berriz ospatuko du Alderdi Eguna igandean, 'Batzen gaituzten hariak' lelopean
Aurten, eszenatokia zelaiaren erdian egongo da, biribila izango da, eta lau pantaila erraldoi jarriko dituzte, afiliatuek bertan gertatutako guztiaren berri izan dezaten. EBBk adierazi duenez, formatu berritzaile horrekin, EAJ, alderdi gisa erdian dagoela, herriaren eraikuntzan funtsezkoa dela eta gizartearekin batera eboluzionatzen duen alderdi dinamikoa dela irudikatu nahi dute.
Etxanobek adingabeen harrera ereduari buruz "sakon hausnartzea" eskatu du
"Inplikazio sozial eta instituzional handiagoa eskatzen dugu, bereziki gertakari larrien aurka egin behar denean, hala nola adingabeen nazioarteko fluxua eta gure lurralderako sarbidea kontrolatzen duten mafiak egiten dituztenean, eta identifikazio agiri ofizialak faltsutzen dituztenean", ohartarazi du.
Gazara bidean den Global Sumud flotillari laguntzeko ontzi bat bidaliko duela iragarri du Pedro Sanchezek
"Kideek zailtasunen bat izanez gero erreskatatu ahal izateko bidaliko dugu, horrelakorik ez gertatzea espero dugun arren", gaineratu du Sanchezek, eta flotilla horretan dauden espainiarrak "munduko milioika lagunen elkartasunaren adierazgarri" direla adierazi du.
Albiste izango da: 40 urte Monbar Hoteleko atentatua izan zela, Pentsiodunen herri-ekimena eta Zinemaldia
Orainek gaur landuko dituen albiste nagusien laburpena.
Pedro Sanchezek adierazi du emaztea eta anaia errugabeak direla eta egia gailenduko dela
Pedro Sanchez Espainiako Gobernuko presidenteak adierazi du ziur dagoela Begoña Gomez emaztea eta David Sanchez anaia errugabeak direla, eta "denborak gauzak bere lekuan jarriko" dituela, eta egia gailenduko dela. Sanchezek emaztearen eta anaiaren egoera judizialari buruz hitz egin du New Yorken emandako prentsaurrekoan, NBEren goi-bilera dela eta.
40 urte igaro dira Baionako Monbar hoteleko atentatutik, GALek egindako odoltsuena
Lau pertsona hil zituzten, tirokatuta, eta bostgarren bat zauritu zuten. Urte batzuk geroago hilketaren autore materialak epaitu zituzten: Marseillako bi mertzenario. Epaiketan zehar, Espainiako Estatuko zerbitzu sekretuek kontratatu zituztela aitortu zuten, baina ikerketa itxi zuten, froga faltagatik.
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.