Urkulluk lurraldetasun auziari 'taktizismorik' gabe heltzeko eskatuko dio Sanchezi
Iñigo Urkullu lehendakariak baieztatu duenez, asteartean Pedro Sanchez Espainiako Gobernuko jarduneko presidentearen dei bat jasoko du, eta Espainiako lurraldeen arazoa "egituraz" eta "taktizismorik gabe" aztertzeko eskatuko dio.
Urkulluk Eusko Legebiltzarreko korridoreetan egin dizkie adierazpenok kazetariei, eta bertan azaldu du Moncloaren dei bat jaso berri duela, asteartean jarduneko presidentea harekin telefonoz harremanetan jarriko dela iragarriz.
Lehendakariak esan du Sanchezek badakiela zeintzuk diren Eusko Jaurlaritzak euskal autogobernuaren inguruan aldarrikatzen dituen gaiak.
"Ez gaude isiltzeko garaian. Garaiz heldu behar zaio egoerari, egituraz. Denbora daramagu mahai baten zain, eta gai horiek egiturazkoak direla uste dugu, eta ez koiunturazkoak", azaldu du. Lehendakariak "mahai politiko" bat eratzea eskatu du, azken hilabeteetan lurraldeen arteko auziari heltzeko.
Erkidegoetako presidenteekin Sanchezek iragarritako bilera-sortak egoera desblokeatzen lagun dezakeen galdetuta, Urkulluk ez du iritzirik eman nahi izan.
Torra bigarrena izango da, lehendakariaren ondoren, telefono dei sorta horretan, Sanchezek jarraituko duen estatutu antzinatasunaren ordenari jarraiki.
Espainiako jarduneko presidenteak iragarri du haiekin hitz egin nahi duela, Gobernua martxan jartzeko "premia" jakinarazteko eta "jardunean egotearen eragozpen horretatik ateratzeko".
Estatutu berria
EAEko Estatutua eguneratzeko akordioa indartzearen aldeko apustua egin du berriro lehendakariak, eta EH Bilduri galdetu dio ea "kaxoi batean uzteko" proposamen bat defendatu nahi duen.
Maddalen Iriarte EH Bilduko bozeramaileak egindako galdera bati erantzunez, Urkulluk alderdi abertzaleari eskatu dio "egoerak eskatzen duen mailaz jarduteko", garai berria aprobetxatzeko.
"Prest zaudete autogobernua hobetzeari uko egitera bideragarritasunik eta ibilbide instituzionalik ez duen proposamen bat aurrera eramateko? Prest zaudete ikuspegi alderdikoia lehenetsiz kaxoi batean uzteko proposamen bat onartzeko?", galdetu du lehendakariak.
Azkenean, "borondateak batzea" espero duela esan du Urkulluk, berezko errealitate nazionala aitortzeko eta Estatuaren aniztasuna onartzea ekarriko duen ituna adosteko.
Zure interesekoa izan daiteke
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.