Casado: 'Sanchezek porrot egin du; ea zer proposatzen duen orain'
Pablo Casado PPko lider eta presidentegaiaren esanetan, Pedro Sanchez Espainiako Gobernuko jarduneko presidenteak "porrot egin du"; izan ere, aulki gehiago eskuratzeko deitu zituen azaroaren 10eko hauteskundeak, eta ez du lortu. Horren esanetan, orain Pedro Sanchezek du erantzukizuna, eta zerbait proposatu arte zain egongo dela esan du, arduraz jarduteko; Casadok ez du baztertu, gainera, aurrerapausoa ematea.
"Ikus dezagun orain zer proposatzen duen Pedro Sanchezek, eta gerora arduraz arituko gara; Espainiak ezin du blokeaturik jarraitu", adierazi du, nolabait anbiguoa izan den mezu batean. Horren arabera, PP "oso zorrotza" izango da PSOErekin: "Espainiak ezin du gehiago itxaron, ezin da haren interes alderdikoien gatibu egon", erantsi du.
Casadok esana du PPren programak eta proposamenak "bateraezinak" direla Pedro Sanchezenekin. "Gure aukeraren alde egingo dugu", gaineratu du. Kanpainan, PPko hautagaiak aurreratu du ez duela erraztuko Sanchezen balizko inbestidura bat.
Genova kalean egin ditu adierazpenak Casadok, ehun bat zale eta militanteren aurrean; PPk, igande honetako hauteskundeetan, apirilean baino 21 aulki gehiago eskuratu ondoren (87, orain; 66, apirilaren 28an).
Alfonso Alonso EAEko PPko presidenteak, berriz, Euskadin bere alderdia botoak “berreskuratzen” hasi dela azpimarratu du, ordezkaritzarik lortu ez duen arren, boto kopuruan zein ehunekoan gora egin baitu.
Zure interesekoa izan daiteke
Eusko Legebiltzarrak lan eskaintza publikoetan euskararen babesa indartzeko erreforma onartu du, EH Bilduren abstentzioarekin
Euskal Enplegu Publikoaren Legearen aldaketak, EAJk bultzatua, hizkuntza eskakizunen segurtasun juridikoa indartu nahi du. Testua aurrera atera da EAJren babesarekin eta EH Bilduren abstentzioarekin, eta PSEk, Eusko Jaurlaritzako EAJren bazkideak, kontrako botoa eman du.
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.