Ustelkeriagatik espetxe zigorra ezarri diete De Miguel, Ochandiano eta Telleriari
Heldu da Euskadin ustelkeriagatik egindako makroepaiketaren epaia: 'De Miguel' auziarena, alegia. Arabako Lurralde Auzitegiaren Bigarren Atalak espetxe zigorra ezarri die auziko akusatu nagusiei, hau da, Alfredo de Miguel Arabako EAJren buruzagi eta foru diputatu ohiari, eta Koldo Ochandiano eta Aitor Telleria Arabako EAJren buruzagi izandakoei.
Zehazki, 13 urte eta 3 hilabeteko kartzela zigorra ezarri dio Alfredo de Miguel Arabako EAJren buruzagi eta foru diputatu ohiari ustelkeriarekin lotutako hainbat deliturengatik. Dena dela, espetxean eman beharreko gehienezko tartea 9 urtekoa izatea ebatzi du Auzitegiak.
De Migueli leporatutako delituak honakoak dira: eragimen-trafikoa, funtzionario-eroskeria pasiboa, merkataritzako dokumentua faltsutzea, diru publikoa bidegabe eralgitzea, funtzionario-eroskeria ezegokia, kapitalak zuritzea eta zilegi ez den elkartea eratzea. Dena dela, Fiskaltzak egotzitako bortxa eta mehatxu delituarengatik absolbitu du Auzitegiak.
De Miguel, Susaeta bere abokatuarekin. Argazkia: EFE
Epaiak Koldo Ochandiano eta Aitor Telleria Arabako EAJren buruzagi izandakoak ere zigortu ditu 7 urte eta erdi eta 6 urte eta erdira, hurrenez hurren. Dena dela, Ochandianok bete beharreko gehienezko zigorra 6 urte eta 9 hilabetekoa izatea ebatzi du Auzitegiak. Telleriaren kasuan, berriz, ez du zehaztu.
Ochandianori honakoak leporatu dizkiote: funtzionario-eroskeria, merkataritza dokumentua faltsutzea, diru publikoa bidegabe eralgitzea, eragimen-trafikoa, kapitalak zuritzea eta zilegi ez den elkartea eratzea. Fiskaltzak egotzitako bortxa eta mehatxu delituarengatik absolbitu du Auzitegiak.
Aitor Telleria, bestalde, honakoengatik zigortu dute: eragimen-trafikoa, diru publikoak bidegabe eralgitzea, merkataritza dokumentua faltsutzea, kapitalak zuritzea eta zilegi ez den elkartea eratzea. Telleria ere bortxa eta mehatxu delituengatik absolbitu dute.
1.186 orrialdeko epaiak prozesu judizial luze eta polemiko bati eman dio amaiera. Ahozko epaiketak ia urtebete iraun zuen. Guztira, 26 pertsona, tartean EAJren Arabako hainbat agintari ohi, jesarri ziren akusatuen aulkian 2005-2009 urteen artean egindako delituengatik.
Arabako Lurralde Auzitegiak aringarria ezarri die akusatu guztiei bidegabeko atzerapenagatik, salaketa aurkeztu zenetik epaia eman den arte 10 urte igaro direlako.
Aipatutakoez gain, Javier Sanchez Robles Eusko Jaurlaritzako Gazteria zuzendari ohiari ezarri diote zigor handienetakoa: 7 urte eta hilabete bat, diru publikoa bidegabe eralgitzea eta eragimen-trafikoa leporatuta.
Kontsultatu hemen 'De Miguel' auzian zigortutakoen eta absolbitutakoen zerrenda.
26 auzipetuetatik 11 absolbitu ditu Arabako Lurralde Auzitegiak, tartean Gurutz Larrañaga Eusko Jaurlaritzako Kultura eta Gazteria sailburuordea. Honakoek osatzen dute zerrenda: Araceli Bajo, Miren Lourdes Bilbao, Aintzane de Miguel, Prudencio del Hierro, Estibaliz Arruti, Gorka Errasti, Francesc Fernández, Placid Casas, Joaquin Sabater eta Ramon Tomas. Fiskaltzak horietako sei absolbitzea eskatu zuen.
Epaia ez da irmoa, eta kasazio helegitea aurkez daiteke Auzitegi Gorenean.
Fiskaltzak 29 urte eta 9 hilabeteko kartzela-zigorra eskatu zuen De Miguelentzat, eta Ochandianorentzat eta Telleriarentzat, berriz, 13 urte eta 7 hilabetekoa. Sanchez Roblesentzat, kartzela-zigorra 8 urtekoa zen.
Auziko fiskala: "Frogatuta geratu da ustelkeria trama bat egon zela"
Arabako fiskalburu Josu Izagirreren ustez, epaiarekin frogatuta geratu da ustelkeria sare bat egon zela Probintzia Auzitegiak zilegi ez zen elkarte bat eratzearen delitua egiaztatuta dagoela iritzita.
Fiskaltzako ordezkariak hitz batzuk esan dizkie kazetariei, epailearen ebazpena irakurri ostean. Izagirreren ustez, "zilegi ez den elkarte bat eratzearen delitua da elementu definitzailea". "Komisioak kobratzera bideratutako trama bat zen, hori da epaiak esaten duena. Epaiak bere kabuz hitz egiten duela uste dut", gaineratu du.
Bestalde, Gonzalo Susaetak, Alfredo de Miguelen abokatuak, ez du adierazpenik egin nahi izan, eta ez du argitu helegiterik aurkeztuko duen ala ez. "Epaia irakurri behar da, eta baloratuko dut", gaineratu du.
Azkenik, Gurutz Larrañagaren abokatua pozik agertu da, bere kargu guztietatik absolbitu baitute Eusko Jaurlaritzako Kultura sailburuorde ohia, baina urte hauetako "gogortasuna" gogoratu du, eta, zehaztu duenez, "akusatuen aulkian bete du zigorra".
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.