ERCren zuzendaritzak abstentzioa proposatu, eta kontseilu nazionalak erabakiko du
ERCren zuzendaritzak Pedro Sanchez PSOEren buruaren inbestiduran abstentzioa ematea proposatu dio alderdiaren kontseilu nazionalari, Sanchezen presidente izendapena errazte aldera. Azken hitza, hala ere, kontseilu nazionalarena izango da, eta urtarrilaren 2an elkartuko da erabakia hartzeko.
Marta Vilalta ERCren bozeramaileak eman du proposamenaren berri gaur arratsaldean, eta bere esanetan, Estatuko Abokatutzak Oriol Junquerasen inguruan kaleratu duen txostena irakurri, eta PSOEk "gatazka politikoa" dagoela eta "gobernuen arteko negoziazio mahaia" osatzea onartu eta gero hartu dute erabakia.
"Eszeptikoak gara eta ez dugu inozoak izan nahi, kosta egiten zaigu PSOEri eta Gobernuari sinestea, baina independentistentzat aukera bat dagoela uste dugu eta aprobetxatu egin nahi dugu, aprobetxatu beharra dugu. Merezi du saiakerak", adierazi du Vilaltak prentsaurrekoan.
Militantziak iritzia eman arte ez du iritzirik eman nahi izan Vilaltak, baina azpimarratu du hiru asteko elkarrizketen ostean, PSOEk onartu egin duela Kataluniako krisia “gatazka politikoa” izan dela eta “irtenbide politiko eta demokratikoak” behar dituztela “gobernu arteko” negoziazio mahaiaren bidez.
“Bide politikoa hastea da kontseilu nazionalera eramango duguna”, azpimarratu du.
ERCren bozeramailearen ustez, bide hori irekitzea positiboa izango da independentismoarentzat, amaiera ona izan edo txarra izan: ongi ateraz gero, Kataluniako gatazka bide “demokratikotik” konpontzeko aukera legoke; eta, gaizki ateraz gero, “desengainu berri bat behin betikoa izango litzateke kataluniarrak independentziaren bidera erakartzeko”.
Vilaltak inbestiduraren inguruko egutegiari buruzko galderak saihestu ditu, ez baitago “ERCren esku”.
Albiste gehiago politika
Etxanobe: "Guggenheim Urdaibairen bideragarritasuna epe motz-ertainean baldintzatzen duten elementuak daude"
Bizkaiko Ahaldun Nagusiak lurraldeko Batzar Nagusietan erantzun die oposizioko kideei, esanez bere gobernuak gardentasunez jokatu duela proiektu honi dagokionean. Bideragarritasuna landu den arren, epea baldintzatzen duten elementuak ere badaudela jakinarazi du, besteak beste, prozesu judizialak, deskontaminazio-lanak eta hirigintza-izapideak.
EAJk formatu berriz ospatuko du Alderdi Eguna igandean, 'Batzen gaituzten hariak' lelopean
Aurten, eszenatokia zelaiaren erdian egongo da, biribila izango da, eta lau pantaila erraldoi jarriko dituzte, afiliatuek bertan gertatutako guztiaren berri izan dezaten. EBBk adierazi duenez, formatu berritzaile horrekin, EAJ, alderdi gisa erdian dagoela, herriaren eraikuntzan funtsezkoa dela eta gizartearekin batera eboluzionatzen duen alderdi dinamikoa dela irudikatu nahi dute.
Etxanobek adingabeen harrera ereduari buruz "sakon hausnartzea" eskatu du
"Inplikazio sozial eta instituzional handiagoa eskatzen dugu, bereziki gertakari larrien aurka egin behar denean, hala nola adingabeen nazioarteko fluxua eta gure lurralderako sarbidea kontrolatzen duten mafiak egiten dituztenean, eta identifikazio agiri ofizialak faltsutzen dituztenean", ohartarazi du.
Gazara bidean den Global Sumud flotillari laguntzeko ontzi bat bidaliko duela iragarri du Pedro Sanchezek
"Kideek zailtasunen bat izanez gero erreskatatu ahal izateko bidaliko dugu, horrelakorik ez gertatzea espero dugun arren", gaineratu du Sanchezek, eta flotilla horretan dauden espainiarrak "munduko milioika lagunen elkartasunaren adierazgarri" direla adierazi du.
Albiste izango da: 40 urte Monbar Hoteleko atentatua izan zela, Pentsiodunen herri-ekimena eta Zinemaldia
Orainek gaur landuko dituen albiste nagusien laburpena.
Pedro Sanchezek adierazi du emaztea eta anaia errugabeak direla eta egia gailenduko dela
Pedro Sanchez Espainiako Gobernuko presidenteak adierazi du ziur dagoela Begoña Gomez emaztea eta David Sanchez anaia errugabeak direla, eta "denborak gauzak bere lekuan jarriko" dituela, eta egia gailenduko dela. Sanchezek emaztearen eta anaiaren egoera judizialari buruz hitz egin du New Yorken emandako prentsaurrekoan, NBEren goi-bilera dela eta.
40 urte igaro dira Baionako Monbar hoteleko atentatutik, GALek egindako odoltsuena
Lau pertsona hil zituzten, tirokatuta, eta bostgarren bat zauritu zuten. Urte batzuk geroago hilketaren autore materialak epaitu zituzten: Marseillako bi mertzenario. Epaiketan zehar, Espainiako Estatuko zerbitzu sekretuek kontratatu zituztela aitortu zuten, baina ikerketa itxi zuten, froga faltagatik.
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.