Rufian (ERC): 'Elkarrizketa mahairik ez baldin badago, legealdirik ez da izango'
Espainiako Gobernuaren eta Generalitatearen arteko elkarrizketa mahaia martxan jartzen ez baldin badute legealdirik ez dela izango ohartarazi dio Gabriel Rufian ERCko bozeramaileak Pedro Sanchez presidentegai sozialistari.
"PSOEk hitza betetzeko" neurri bezala baldintza hori jarri du Rufianek inbestidura saioan. "Oso argi hitz egingo dut", adierazi du. "Mahairik ez baldin badago, ez da legealdirik izango", hiru aldiz errepikatu du.
Zentzu horretan, PSOEk "aurretik" halakorik egin izan duela gogorarazi du Rufianek, baina inbestidura akordioa hautsiko luke. "Berriro egin dezake", ohartarazi du. Mahaia martxan jartzen ez baldin bada, "ez diote alderdi bati iruzur egingo, Kataluniako herriari baizik", nabarmendu du.
Kataluniarekin "aldaroka ibili" izana aurpegiratu dio ERCko bozeramaileak Sanchezi. Rufianen hitzetan, buruzagi sozialistaren jarrera aldaketak "konplexuengatik" eta eskuinari "beldur" diolako eman dira.
"Progresista bat eskuinaren mehatxu edo irainen aurrean isildu den bakoitzean, eskubide bat galduta", salatu du.
Urte eskas batean Kataluniako gatazkaren inguruan izan dituen jarrera ezberdinak zerrendatu dizkio Rufianek presidentegai sozialistari.
"Zerk eragiten du hainbeste zabu? Presidentegaiak gauza bat esatetik bestera esatera pasatzeko zer gertatu dela uste duzue, prime timen Fiskaltza bere esanetara dagoela harro adieraztera heldu zenean?", galdetu du.
Jarraian, Rufianek berak erantzun dio bere galderari: "jende honek", adierazi du PP, Vox eta Ciudadanoseko eserlekuak seinalatuz.
Albiste gehiago politika
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.