EH Bilduk eta Nafarroako Gobernuak aurreakordioa egin dute aurrekontuak onartzeko
Maria Chivite buru duen Nafarroako Gobernuak aurreakordioa egin du EH Bilduren talde parlamentarioarekin koalizioak ez dezan 2020ko aurrekontu orokorren aurkako osoko zuzenketarik aurkeztu, kontrakoa baizik, koalizio abertzaleak kontuen onarpena erraz dezan.
Foru Gobernuaren arabera, "Nafarroa erkidego anitza den heinean, herritarrek elkarrizketarako gaitasuna eta gizarteari onura zuzena ekarriko dioten proposamenak adostea eskatzen dute, hala nola, zerbitzu publikoak indartzea, berrikuntzaren aldeko apustua, gizarte eta lurralde egituraketan eta gizonen eta emakumeen arteko berdintasunean aurrera egitea".
"Zalantzarik gabe, albiste ona da Foru Erkidegoko herritar guztiontzat gizarte gisa ditugun erronkei aurre egiteko aurrekontuak izatea", gaineratu du Nafarroako Gobernuak.
Gastu muga handitzea aurreikusten du aurreakordioak, eta horri esker, EH Bilduren arabera, "zuzenketak aurkezteko aukera egongo da aurrekontu proiektua lurralde egituraketa ikuspuntutik hobetzeko, eta zerbitzu publikoak eta herritarren eskubideak indartzeko".
Koalizioak azaldu duenez, "helburu horrekin", bi aldeek akordio "zehatzak" egin dituzte 2020an aurrera eramango dituzten politika publikoen inguruan, eta "Parlamentuko izapideetan eta Gobernuaren jardueran geratuko dira agerian".
EH Bilduk azaldu duenez, "izaera horretako akordioa lortuta", koalizioak osoko zuzenketarik ez aurkezteko eta egon daitezkeenen aurka bozkatzeko konpromisioa hartu du.
PSN "gustura" agertu da aurreakordioarekin. Ramon Alzorriz Antolakuntza idazkariak esan du "desberdinen arteko elkarrizketaren eta negoziazioaren emaitza dela gaurko sinadura".
Alzorrizen esanetan, dokumentuan agerian geratzen da Nafarroako Gobernuaren lehentasuna "eskubide sozialekiko konpromisoa eta zerbitzu publikoen hobekuntza" direla.
Sozialista nafarrek uste dute Chiviteren Gobernuak "ulertu" egin duela "herritarren agindua", eta "egunerokoan axola duten gauzak" adostu dituztela "Nafarroaren garapenaren aldeko apustua egiteko".
Navarra Sumak aurreakordioaren berri izan ostean azaldu duenez, Maria Chivitek "inbestidura markatu zuen Bilduren gidoia jarraitzen du zehatz mehatz".
"Esan zuten ez zutela hitz egingo, ez zutela itunik egingo… Gezurretan ari ziren", adierazi du UPNk, Ciudadanosek eta PPk osatzen duten koalizioak Twitterren.
Navarra Sumarentzat, aurreakordioak ez ditu "Navarra Suma bozkatu zuten 127.000 nafarrak engainatzen, Nafarroa osoko herritar guztiak baizik".
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.