EAEko hauteskundeak maiatzaren 24an izan daitezkeela iragarri du Elkarrekin Podemosek
"Komeni al da hauteskundeak maiatzera aurreratzea?" galdetu die gaur goizean Ander Arzak kazetariak Radio Euskadiko 'Parlamento en las Ondas' saioaren amaieran, bertan eztabaidan aritu diren euskal legebiltzarkideei.
Izan ere, udazkenean izan beharko lirateke, berez, Legebiltzarrerako hauteskundeak, baina aurrerapenaren aukera indarra hartzen ari da azken asteotan, eta Cristina Makazaga Elkarrekin Podemoseko legebiltzarkideak erantzun dionaren arabera, 2020ko udaberrira aurreratuko lirateke EAEko hauteskundeak: "Nik uste dut legegintzaldia amaitu beharko litzatekeela, baina guztiak maiatzean izango direla pentsarazten dugu. Zantzu guztien arabera, Katalunian irailean edo urrian izango dira hauteskundeak eta ez dute uste batera izango direnik. Gainera, Eurokopa ere badago ekainean... nik maiatzaren 24an izango direla apustu egingo nuke".
"Hori lehendakariak erabaki" behar duela gehitu du Eneko Andueza Gipuzkoako PSE-EEko buruak "lehendakariak du hori erabakitzek ardura, eta beraz, hark esaten duenean izango dira" gaineratu du.
Baina lehendakariak alderdikide duen Joseba Egibar EAJko legebitzarkideak ez du ez ukatu ez baieztatu aurrerapena, ezta balizko data ere: "hauteskundeak badaude, herri honek aurrera egin dezan lan egingo duen gobernu progresista baten osaketa gidatzeko izango da" esan du.
Dena dela, eta aurrerapenaren baieztapen ofizialik ez badago ere, alderdiak hasi dira jada hauteskunde kutsuko lehen mugimenduak egiten eta erabakiak hartzen. Zentzu honetan, urtarrilaren 13an, EAJko Euzkadi Buru Batzarrak Iñigo Urkullu berriz ere lehendakarigai izango dela iragarri zuen baita Bakartxo Tejeriak Legebiltzarreko presidenterako hautagai gisa errepikatuko duela ere.
EH Bilduk ere aste honetan abiatu du lehendakarigaia hautatzeko prozesua. Barne prozesuan Arnaldo Otegi hautatzen badute, honen egoera juridikoak ez omen du EH Bilduren hautagaitza baldintzatuko. Otsailaren 3an emango da jakitera lehendakarigaiaren izena eta martxoaren 9an zerrenda osoa.
PP ere hauteskunde giroan murgildu da jada eta Alfonso Alonso EAEko buruak dei egin die alderdi konstituzionalista guztiei "alternatiba" izango den indar bat osatzera. "Madrilgo Gobernuaren alternatiba bat hemen sortu behar da, indarrez, Galiziaz gain, Euskadin ere hauteskunde autonomikoak egingo direlako aurten" adierazi du.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".