Urkullu: "Asko sentitzen ditut operatibo honetan egin ahal izan ditugun akatsak"
Iñigo Urkullu lehendakariak azpimarratu duenez, Zaldibarko luiziaren krisian "lehentasuna bi desagertuen erreskatea izan da eta operatibo horretan parte hartu duten eta parte hartzen ari diren pertsonen" eta inguruko bizilagunen "segurtasuna" izan da. Dena dela, prest agertu da "autokritika" egiteko, eta erantsi du "asko sentitzen" dituela operatibo honetan egin ahal izan dituzten akatsak.
Lehendakaria agerraldia ari da egiten Diputazio Iraunkorrean, oposizioko taldeek eskatuta, otsailaren 6an gertatutakoaren kudeaketari buruzko azalpenak emateko.
Urkulluk Joaquin Beltran eta Alberto Sololuze hondakinen artean desagertuta jarraitzen duten bi langileak izan ditu gogoan agerraldiaren hasieran. Lehendakariaren esanetan, "talde guztiak atsedenik gabe ari dira lanean, Alberto eta Joaquin bilatzen ere aurrera egin nahian. Bidean jarritako oztopo guztiak gainditzen ari dira: bat-bateko suteak, lurraren ezegonkortasuna, bilaketa zailtzen duten arriskuak edo hainbat gunetako egonkortze lanak egin behar izateak".
Kudeaketaren xehetasunak eman ostean, "autokritika egiteko" arazorik ez duela erantsi du: "Asko sentitzen ditut operatibo honetan egin ahal izan ditugun akatsak. Ulertzen dut inguruko herritarren kezka, eta, bereziki, desagertutako bi langileen familiena".
Urkulluk esan du otsailaren 6an gertatutakoa eta horren ondorioak "salbuespenezkoak" izan direla. "Salbuespenezkoa izan da, halaber, Administrazioaren jarduketa guztia subsidiarioki gertatu delako. Berriro diot: Verter Recycling SL enpresa da zabortegi horren jabe eta kudeatzailea; gure parte-hartzea subsidiarioa izan da", adierazi du.
Zaldibarren gertatutakoa "tragedia" izan dela azpimarratu ostean, horrelakoen aurrean bi aukera daudela erantsi du: "zatiketa edo batasuna". Hori horrela, adierazi du berari dagokiola "zoritxarraren aurrean elkarlana eta batasuna bultzatzea", eta gizarteari eta indar politikoei "batasunetik" erantzuteko deia egin die.
Ildo horretan, "erakundeen arteko erantzun koordinatua" eta "tokian bertan jarduten duten pertsona guztien jokabide profesional eredugarria" aldarrikatu ditu.
Urkullu, Joseba Egibar EAJren legebiltzarkideari entzuten, agerraldia hasi baino lehen. Argazkia: EFE
Ikerketa abian
Zaldibarko zabortegia amildu osteko ordu eta egunetan hartutako erabakiak eta neurriak xehatu ditu lehendakariak. Azaldu duenez, luiziaren berri jakin eta berehala, "krisi mahai bat martxan jartzeko erabakia hartu genuen, baita larrialdietarako protokolo guztiak abiatzea ere". Mahaia otsailaren 6ko 19:30ean bildu zen, eta neurri hauek adostu zituen: langileen erreskateari lehentasuna ematea, desagertutako bi langileen familiekiko harremanetarako protokoloa ezartzea, suteak itzaltzeko lanak abiatzea, enpresarekiko eta udalekiko harremana bermatzea, istripuaren arrazoiei buruzko ikerketa hastea, osasun publikoaren azterketa egitea (airearen eta uraren kontrolak) eta autobideko segurtasuna bermatzeko neurriak hartzea.
Gertatutakoaren nondik norakoak ikertzeko egindakoen inguruan, Urkulluk zehaztu du Ertzaintzak "zailtasunak zailtasun, hasieratik abiatu zituen ikerketa bat egiteko izapideak, eta zegokion epaitegiari aurkeztu zizkion. Osalan eta Lan Ikuskaritzari zein Ingurumen Sailari zuzendutako espedienteak ere zabaldu ziren".
Horren harira, nabarmendu du "informazio horrek guztiak argi zehaztu ahalko ditu auzi horren zergatiak eta erantzukizunak. Diodanez, Justiziak erabakiko du. Gure eginbeharra da hori egiteko elementu guztiak eskura ematea".
Halaber, Ingurumen, Lurralde Plangintza eta Etxebizitza Saila gertatutakoa aztertzeko, erantzukizunak zehazteko eta jardunbide protokoloak hobetzeko auditoria bat egiten ari dela esan du.
"Etengabeko harremana familiekin"
Urkulluk azpimarratu duenez, otsailaren 6ko gauean "familiekiko harremanetarako protokoloa" ezarri zuten. Horri esker, eurekin "etengabeko harremana" izan dute. Era berean, adierazi du otsailaren 12an batzartu zela haiekin, jakinarazteko "informazio garrantzitsua" eduki zuenean. Gauza bera egin zuen igandean.
Lehendakariaren esanetan, familiak "une oro" artatu dituzte, eta "informazio osoa, benetakoa eta errealista eman zaie lehen egunetik".
Zure interesekoa izan daiteke
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.