Inpunitatearekin amaitzeko borondate politikoa eskatu du Martxoak 3 elkarteak
Maria Servini epaile argentinarrari 1976ko martxoaren 3an Gasteizen izandako langile "sarraskiagatik" auzipetuta dagoen Rodolfo Martin Villa ministro ohiari Espainian deklarazioa hartzen utzi eta "inpunitatearekin amaitzeko borondate politikoa" eskatu dio Martxoak 3 elkarteak Espainiako Gobernuari.
Elkarte horretako ordezkariek prentsaurrekoa eskaini dute gaur, ostirala, San Frantzisko elizan egindako batzar batean parte hartzen ari ziren bost langileren heriotzaren 44. urteurrenaren harira antolatu dituzten ekitaldien berri eman eta Servinik Argentinako epaitegi batean frankismoaren krimenen aurka irekitako prozesu judizialaren nondik norakoak azaltzeko.
Andoni Txasko Martxoak 3 elkarteko bozeramaileak azaldu duenez, martxoaren 20an Martin Villa deklaratzera deitu du epaile horrek Argentinak Madrilen duen enbaxadan, baina Espainiako Kanpo Ministerioak trabak jartzen ari dizkio galdeketa horri.
Carmen Calvo Espainiako Gobernuko presidenteordeak telebistan egindako elkarrizketa batean ziurtatu duenez, ordea, "Exekutiboak ez du oztoporik jarri ez lehen ez orain Servinik ministro ohiari deklarazioa hartzeko". Ildo horretatik, Martin Villa hitzordu horretara joateko prest dagoela gaineratu du.
Testuinguru horretan, "aurrerakoia dela esaten duen Gobernuari zigorgabetasunarekin amaitu eta gaizkile frankistak epaitzeko borondate politikoa" eskatu dio Martxoak 3 elkarteko bozeramaileak. Horretarako, Martin Villaren galdeketa baimentzeko eskatu dio, "teknizismoetan eta burokrazietan ezkutatu gabe".
Calvoren hitz horiei dagokienez, Espainiako Gobernuaren jokabidea eta presidenteordearen adierazpenak ez datozela bat ziurtatu du Txaskok, eta Serviniren eskakizunari oraindik ez diotela erantzun ofizialik eman salatu du.
Horrez gain, Zaramaga auzoko San Frantzisko eliza gertatutakoaren oroimenerako gune bihurtzeko asmoan ere ez dela aurrerapausorik eman deitoratu du elkarteak.
44. urteurrenari begira, martxoaren 3rako antolatutako ekitaldiekin bat egiteko deia egin die elkarteak herritarrei. Besteak beste, 19:00etn hildako langileen omenezko monolitotik abiatuko den manifestazioan parte hartzeko eskatu diete gasteiztarrei.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.