ELAk autodeterminazioa eskatu du, krisiaren aurka; LABek "bizitza erdian" nahi du
ELA sindikatuak pandemia-egoera honetan autodeterminazioaren alde borroka egiteko konpromisoa agertu du, "bizi dugun krisiari elkartasunean oinarritutako irtenbide bat" emateko, igandeko Aberri Egunari begira; LABek, bere aldetik, "herri-subiranotasuna" aldarrikatu du, "bizitza erdian kokatzeko".
Horixe adierazi du ELA sindikatuaren Batzorde Nazionalak, igandean ospatuko den Aberri Egunarekin lotuta egindako adierazpenean. Bertan, "elkartasuna" agertu die "salbuespeneko egoera honetan ondorio larrienak pairatzen ari direnei", eta horien artean aipatu ditu "euren lanpostuetan jarraitu behar duten langileak, preso daudenak –konfinamendu bikoitza bizi dute– eta haien senitartekoak, bisita egiteko eskubiderik ez dutelako, eta egoera bereziki ahulean dauden pertsonak". Azken talde horretan sartu ditu adineko pertsonak, etxerik ez dutenak eta tratu txarrak ematen dizkietenekin bizitzera behartuta dauden emakumezkoak eta adingabeak.
"Ezin ditugu ahaztu Zaldibarren desagertuta dauden bi langileen familiak", azpimarratu dute.
Gainera, ELAko arduradunek azaldu dutenez, "bizi dugun osasun- eta gizarte-krisian garrantzi berezia dute ekimen kolektiboek, botere asoziatiboek eta instituzio publiko eta herrikoiek", eta horri begira sindikatuak euskal nazioa eraikitzeko duen erantzukizuna "berretsi" du.
Halaber, eta egoera ekonomikoari lotuta, "azken hamarkadetako murrizketak, pribatizazioak eta langileen prekarizazioa jasan ostean, orain milaka langile beraien osasuna eta bizitza arriskuan jartzera derrigortzen dituztela" salatu dute, "lanera babes nahikorik gabe joan eta beharrezkoak ez diren lanak betetzeko".
Ekonomiarekin jarraituz, Espainiako Gobernuari "patronalaren agenda" defendatzeko aurre egitea leporatu dio Eusko Jaurlaritzari, bai eta "autogobernua enpresei gustatzen ez zaizkien dekretuen kontra egiteko erabiltzea" ere. Era berean, Jaurlaritzak "salbuespeneko egoera, eskumenen urratzea eta okupazio indarren presentzia naturaltasun osoz" hartzea salatu du.
ELAk "gehiengoaren alde egingo duten ekimen kolektiboak abian jartzeko beharra" defendatu du, "guztiona dena defendatzeko eta pertsonen bizitza eta ongizatea beste guztiaren aurretik jartzeko".
LABek, bere aldetik, igande honetako Aberri Egunaren harira argitaratutako agirian, "herri-subiranotasuna" aldarrikatu du, "bizitza erdian kokatzeko"; halaber, leporatu die Iñigo Urkullu lehendakariari eta Maria Chivite Nafarroako presidenteari "patronalaren neurrirako autogobernuaren alde" egin dutela.
LABek, Euskal Herria Bateraren deialdiarekin bat eginda, eskatu die herritarrei balkoietan lan-aldarrikapenak jartzeko, ikurrinaren eta Nafarroako banderaren ondoan. Esan duenez, Urkulluk eta Chivitek, Espainiako Gobernuak koronabirusaren pandemia aitzakia hartuta ezarritako "ezkutuko 155. artikulua"ren aurrean, ez dute erantzun "autogobernuaren alde eginez".
Gaitzetsi duenez, funtsezkoak ez diren jarduerak eteteko erabakiaren gainean, "oso asaldatuta ikusi ditugu, esan dutenean erabakiak EAEn eta Nafarroan hartu behar direla”". Sindikatuak aurpegiratu die argudiatu dutela ez dutela eskumenik gutxieneko soldata 1.200 eurora igotzeko, baina orain, "nahiz eta eskumenik ez duten", ahal dutena ari dira egiten jarduera ekonomikoa ez geldiarazteko, "langileen osasuna arriskuan jartzen ari direla badakite ere".
LABen esanetan, osasun-krisi honetan hartzen ari diren erabakiak "kapitala babestekoak dira, ez langileak"; horren aurrean, sindikatuak nahi du "bizitza erdian jartzen duen eredu bat".
Hori erdiesteko, eskatu du "herri-subiranotasuna, eta, hori bermatzeko, errepublika independente, sozialista eta feminista bat". Salatu duenez, Espainiako Gobernuak "uniformez bete ditu prentsaurrekoak, eta militarrez kaleak, zentralizazioa inposatuta eta gizarte-kontrola ezarrita". LABen iritziz, Espainiako eta Frantziako Gobernuek "aukera" ikusi dute, egungo krisian, "herritarrak diziplinan jartzeko, birusa etsaia dela abiapuntu".
Agirian, LABek nabarmendu du urte-hasiera "gogorra" izan dela langileentzat; izan ere, "21 langile hil dira lanean, eta beste bi desagertu"; bi horiek Zaldibarko zabortegian daudenak dira.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.