Otegik "ausarkeria eta arduragabekeriatzat" jo du jarduerari berriz ekitea
Arnaldo Otegi EH Bilduko koordinatzaile nagusiaren ustez, “ausarkeria eta arduragabekeria” da langileek bihar jarduerari berriz ekitea. Halaber, Iñigo Urkullu lehendakariari galdetu dio “langile horiei eta beren familiei euren osasuna bermatuta dagoela esan diezaiekeen, begietara begira”.
Ohar batean, Otegik funtsezkoak ez diren jarduerei berriz ekiteko agindua hartu du hizpide, Hego Euskal Herrian asteartean gauzatuko dena, “hamarka mila langile” lanera itzultzea ekarriko baitu.
“Denok dakigu nork hartu duen erabaki hori: CEOEk, Confebaskek… baina Urkulluk, Chivitek eta Pedro Sanchez Gobernu zentraleko presidenteak ere bai, jendearen erantzunkizunari dei egiten dioten eta euskal herritarrak konfinamenduaren aurrean erakusten ari diren erantzukizun hori gizalegearen eredutzat aurkezten duten bitartean”, salatu du.
Horren ildotik, Otegik gogora ekarri du EH Bilduk pandemia hasi zenean adierazi zuela “Munduko Osasun Erakundearen aholkuak bete eta komunitate zientifikoaren gomendioei jarraitu behar zitzaiela”.
Otegi erabaki hori hartu dutenei zuzendu zaie: “Ba al dugu maskararik, norbera babesteko ekipamendurik eta nor kutsatu den, nork sintomarik ez duen eta nor gaixo dagoen jakiteko testik? Ba al dugu birusaren hedapenaren jarraipen zehatza egiteko aplikazio digitalik? Ba al dugu estrategia bateraturik kasu berriak atzemateko? Ez dugu horrelako ezer, eta, halere, erabaki hori hartzen da hemen”, salatu du.
“Kutsatze eta heriotza kopuruak gora egin eta bigarren konfinamendu bat egin behar bada, kolpea askoz latzagoa izango da gure jendearen osasunarentzat eta herri honen ekonomiarentzat”, bukatu du.
Albiste gehiago politika
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.
Eba Blancok uste du Pradalesen estatus berrirako proposamena "berandu" datorrela, eta 2026ko ekainerako "gutxienekoen akordioa" eskatu du
EAko buruaren esanetan, 2026ko ekainean "ezin gara balorazioak egiten aritu", "2027an aukera historikoaren leihoa ixteko arriskua dagoelako", Eusko Legebiltzarraren osaketa alda dezaketen balizko hauteskundeetan.
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.