Espainiako Gobernuak alarma egoera soilik 15 egunez luzatzea adostu du Ciudadanosekin
Espainiako Gobernuak alarma egoeraren luzapena, maiatzaren 24an hasiko dena, 15 egunekoa izatea adostu du, orain arte egin den bezala, baina Espainiako Gobernuak nahi zuen hilabeteko luzapenaren erdia, Gobernuko iturrietatik jakinarazi dutenez.
Azken orduko akordioa izan da, Ministroen Kontseiluak gaur goizean aztertu duen dekretuaren epemuga ekainaren 27koa zelako.
Espainiako Gobernuak Ciudadanosekin izandako elkarrizketen emaitza izan da akordioa, laugarren luzapena bi alde horiek adostu zutenetik ugaritu egin baitira negoziazioak; izan ere, Ines Arrimadasen alderdiaren babesa beharrezkoa du Sanchezek ERCk kontra bozkatu zuenetik eta PPk abstentzioa eman zuenetik.
Bi aldeak gustura geratu omen dira maiatzaren 5etik izan dituzten elkarrizketen ostean izan duten harremanekin, eta bat omen datoz alarma egoera behar-beharrezkoa den denbora soilik luzatu behar dela.
15 eguneko luzapen horretan, maiatzaren 24tik aurrera, Sanchezek neurriak eta lege erreformak aztertzeko konpromisoa hartu du alarma egoeratik modu ordenatuan ateratzeko eta pandemia alarma egoerarik gabe kudeatzeko.
Konpromisoak
Ciudadanosekin adostutako akordioaren ondorioz, Espainiako Gobernuak hainbat konpromiso hartu ditu, tartean hiru hilabetetik lau hilabetera luzatzea COVID-19agatik zergen ordainketa atzeratu dutenek interesik gabe egitea.
Erregulazio txostenen eta langabeziaren dirulaguntzen ordainketa ere bizkortu egingo du, kobratu ez duenak ekainean beranduenera jaso dezan. Gainera, ebatzi gabe dauden txostenak argitzea lehenetsiko dute.
Bestalde, Ciudadanosekin egindako azken akordio horretarako, Espainiako Gobernuak autonomoek jarduera eteteagatik jasotzen duten laguntza alarma egoera amaitu eta gerora ere mantentzeko aukera aztertuko du.
Gainera, 2020ko uztailean Diputatuen Kongresua irekitzeko aukera ere sustatzea adostu dute, COVID-19ak atzeratutako gaiei heltzeko eta lanak aurreratzeko.
Zure interesekoa izan daiteke
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.