3 fasearen kudeaketa erkidegoetako gobernuen esku utziko duela iragarri du Sanchezek
Pedro Sanchez Espainiako Gobernuko presidenteak iragarritakoaren arabera, 3 fasetik aurrera erkidegoetako gobernuek kudeatuko dute deseskalatze prozesua. Espainiako Gobernuaren esku mugikortasunarekin lotutako murrizketak bakarrik geratuko dira.
Gainera, Sanchezek konfirmatu egin du Kongresuari alarma egoeraren “azken luzapena” eskatuko diola. 15 eguneko iraupena izango du eta ezaugarri “oso diferenteak”, “askoz arinagoak”. Azken luzapena hori “beharrezkoa” dela azpimarratu du Sanchezek, koronabirusaren deseskalatze prozesua bukatu ahal izateko.
Erkidegoetako presidenteekin alarma egoera hasi zenetik egindako 12. bileraren ostean emandako prentsaurrekoan, Sanchezek azaldu du, kongresuak alarma luzapena onartuz gero, 3 fasean sartzen diren lehen erkidegoek ekainaren 8tik aurrera hartuko dutela deseskalatzearen agintea.
Besteak beste, erkidegoek desekalatzearen erritmoa kontrolatu ahal izango dute eta Espainiako Gobernuari alarma egoera ekainaren 21a baino lehen altxatzea eskatu.
Espainiako presidenteak ohartarazi du “zuhurtziaz” jokatzen jarraitu behar dela, osasun neurriak errespetatuz, “birusak berriro gora egitea saihesteko”, horretarako “benetako arriskua” dagoelako, Espainian eta mundu osoan.
Hildakoen benetako kopurua
Bestalde, eta hildakoen kopuruarekin azken egunetan izandako polemikaren inguruan, Sanchezek Espainiako Gobernuak epidemiaren ondorioz hildako pertsonen zenbatekoaren berri emateko orduan izandako “erabateko gardentasuna” defendatu du. Azken egunetan izan diren aldaketak “irizpide teknikoekin” erlazionatuta daudela esan du, baina benetako koupurua zein den epidemia gainditu arte jakingo ez dela azaldu du.
Espainiako presidenteak azaldu duenez, Gobernua “COVID-19ak hildakoen benetako kopurua zenbatzen ari da”.
Epidemiologoen arabera, hilabete batzuk igaro eta pandemia gainditu arte “ezin izango dugu ikuspegi errealago bat izan egoeraren azterketa egiteko”. Ondorioz, ordura arte, ezinezkoa izango da COVID-19ak hil dituenen kopuru zehatza jakitea.
Krisi ekonomikoa
Pandemiaren ondorioz sortutako krisi ekonomikoari dagokionez, Pedro Sanchezek iragarri du errekuperazioa urteko azken hiruhilekoan hastea espero dutela eta “bi urteko iraupena” izango duela.
“Egungo legealdia amaitzean, egoera hobea izango da”, adierazi du Espainiako presidenteak.
Sanchezek Bruselari helaraziko aurreikuspena berretsi du; Espainiako ekonomiak “% 9ko erorketa” izango duela 2020an.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.