EH Bilduk Juan Carlos I.aren erretratu eta estatuak Kongresutik kentzeko eskatuko du
Mertxe Aizpurua EH Bilduk Diputatuen Kongresuan duen bozeramaileak iragarri duenez, bere talde parlamentarioak Madrilgo Behe Ganberan paratuta dauden Juan Carlos I.a errege emerituaren erretratu eta estatua guztiak kentzeko eskatuko du, Nafarroako Parlamentuan egin zen bezala. EAJko Aitor Estebanek, bere aldetik, Konstituzioa aldatzearen alde egin du, erregearen bortxaezintasuna jarduera publikora mugatzeko.
Bozeramaileen Batzordearen aurreko prentsaurrekoan, Nafarroako ekimenak PSOEren eta Unidas Podemosen babesa eduki zuela azpimarratu du Aizpuruak, eta ez zuela ulertuko, beraz, Espainiako Gobernuko bazkideak Kongresuan “ezkutatzea”.
"Ez genuke ulertuko orain, Goreneko Fiskaltzaren ikerketaren ondoren errege emerituaren irregulartasunak inoiz baino argiagoak direnean, ezkutatzea", adierazi du.
Horren ildotik, EH Bilduk Meritxell Batet presidenteari eta Ganberako Mahaiari koadroak eta estatuak kentzeko eskatuko die.
Juan Carlos ikertzeko batzordeari jarritako betoaren inguruan, diputatuak "zentzugabekeria juridikotzat" jo du diputatuek "bizi arteko" bortxaezintasuna ematea errege emerituari.
Bestalde, EH Bilduk Felipe Gonzalez presidente ohiaren agerraldia eskatu zuen atzo Kongresuan, CIAk GALen sorreran parte hartu zuela esan eta gero. “Faltan sumatzen dugu gainerako alderdiek ahotsa altxatzea gai honetan”, adierazi du Aizpuruak.
EAJk Konstituzioa aldatzearen alde egin du, erregearen bortxaezintasuna jarduera publikora mugatzeko
Bere aldetik, Aitor Esteban EAJren Kongresuko bozeramaileak Konstituzioa aldatzearen alde egin du, Estatuko buruaren "bortxaezintasuna" jarduera publikora mugatzea helburu; horrela, kontuak eska liezazkiokete jarduera pribatuengatik.
Ganberako abokatuek argudiatu dute Juan Carlos I-aren bortxaezintasunak abdikatu eta gero ere duela eragina; Estebanen iritziz, hori "kontraesan nabarmena da", Auzitegi Goreneko Fiskaltzak erregea ikertzeko emandako argudioa aztertuta. EAJren bozeramaileak uste du Kongresua "mezu oso arriskutsua" bidaltzen ari dela, abokatuen argudioa barneratuta; izan ere, aurkezten du Estatuko burua pertsona "ukiezina" izango balitz bezala. Estebanek esan du hori ez dela "onargarria", herrialde demokratiko batean.
EAJko bozeramaileak gehitu duenez, irizpide horri jarraituta, Estatuko buruak ez luke konturik eman beharko lapurretarik edo hilketarik egingo balu. Beraz, ondorioztatu duenez, komenigarria litzateke Konstituzioa aldatzea.
EH Bilduren proposamenaren gainean, hau da, Kongresuan Juan Carlos I.aren erretratuak kentzeko proposamenaz, Estebanek gogora ekarri du jada ez dela Estatuko burua; hortaz, ez da "beharrezkoa" Ganberak bere irudia erakusten jarraitzea.
Hori bai, iragarri du EH Bilduren proposamenak ez duela arrakastarik izango, ikusirik EAJk ere ez zuela izan, hainbat urtez, eskatu zuenean frankismoko Gorteen presidenteen erretratuak kentzeko: "Ez ziguten kasurik egin, eta nik uste dut orain gauza bera gertatuko dela", esan du.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.