Gerran faxismoaren aurka borroka egin zuten pertsonei omenaldia egin diete Bilbon
1936ko gerran faxismoaren aurka borroka egin zuten pertsonei egindako omenaldia hartu du' La Huella-Aterpe 1936' eskulturak, baina azken 14 urteetan aurrenekoz "gudari, miliziano eta borrokalarien presentzia barik", antolatzaileek deitoratu dutenez.
Sabino Arana, Eusko Lurra, Ramon Rubial, Manu Robles-Arangiz Institutua, Investigaciones Marxistas eta Estudios Libertarios Anselmo Lorenzo fundazioek, ELA-STV, UGT eta CNT sindikatuek eta EAJ, PSE-EE, ANV eta PCE-EPK alderdiek omenaldia egin diete “Eusko Jaurlaritzaren agindupean, Gerra Zibilean euskal herritarren askatasunak eta buruzagi legitimoak defendatu zituzten gizon eta emakumeei”.
Azken 14 urteetan lehen aldiz “ekitaldian ez da gudari, miliziano edo borrokalarik izan”, antolatzaileek nabarmendu dutenez. “Lege biologiko garbiagatik”, deitoratu dute; izan ere, azken urtean Jose Moreno (San Andres Gudarostea) eta Jose Maria Pastor Aterpe 1936 elkarteko idazkaria hil dira. Alejandro del Amok (Meabe Gudarostea) ere ezin izan du parte hartu, “oso makal dagoelako”.
“Hala ere, omenaldiko parte-hartzaileek gogora ekarri dituzte, baita faxismoaren aurka, askatasunaren eta demokraziaren defentsan, onenak eman zituzten gudari, miliziano, gizon eta emakume guztiak ere”, azpimarratu dute.
COVID-19ari aurre egiteko neurriek behartuta, gehienez elkarte bakoitzeko bi ordezkarik parte hartu dute lore eskaintzan.
Besteak beste, Maria Jesus San Jose Lan eta Justizia sailburuak eta Iñaki Arriola Ingurumen, Lurralde Plangintza eta Etxebizitza sailburuak parte hartu dute omenaldian. Era berean, Andoni Ortuzar EAJko presidentea eta Idoia Mendia PSE-EEko idazkari nagusia ekitaldian izan dira.
Frankistek Bilbo hartu zutela 83 urte pasa dira dagoeneko, gudariek eta milizianoek kolpistei 1937ko ekainaren 11tik 19ra eutsi ondoren, “azken egunak Artxandako maldetan, lore eskaintza egin den tokian, hain zuzen ere”, gogorarazi dute omenaldiko antolatzaileek.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.