Sekretu Ofizialen Legea erreformatzeko proposamena tramitatzea onartuko du Kongresuak
Sekretu Ofizialen Legea erreformatzeko lege-proposamena aurkeztu du EAJk Espainiako Kongresuan eta ekimena tramitatzea onartuko dutela iragarri dute PSOEk, Unidas Podemosek, ERCk, EH Bilduk, JxCatk, Mas Paisek eta CUPek.
Aurrez, beste bi alditan onartu du Kongresuak lege hori erreformatzea, baina ondoren tramiteak behin eta berriro atzeratu zituzten eta proposamena inoiz ez da gauzatu.
Aitor Esteban EAJko Kongresuko bozeramaileak azaldu duenez, sekretupean dauden dokumentuak gehienez 35 urteko epean ezagutaraztea proposatzen dute. Paper erreserbatuen kasuan epe hori 10 urtekoa izango litzateke.
Horrela, bada, hainbat dokumentu publiko egin beharko lituzkete, tartean, Trantsizio garaikoak, 1981eko otsailaren 23ko estatu-kolpe saiakerari buruzkoak edota GAL taldearen sorrerari lotutakoak.
Gizarte demokratiko batean "gardentasuna" ezinbestekoa dela eta jendarteak informazio horren berri izan behar duela azpimarratu du Estabanek.
Hortaz, EAJk uste du legea aldatu egin behar dela sekretupean gordetako dokumentuei epemuga bat ezartzeko: 25 urtekoa sekretu ofizialen kasuan eta 10 urtekoa paper erreserbatuei dagokienez.
Ministroen Kontseiluak aukera izango luke agiri sekretuak beste 10 urtez gordeta mantentzea erabakitzeko. Halaber, organo horren esku egongo litzateke gai jakin bati buruzko txostenak sekretupean gordetzea edo publiko egitea erabakitzea.
Egun, eskumen hori Espainiako Gobernuak eta Estatu Nagusien Batzordeak; eta paperak argitaratzeko erabakia sekretupean gordetzea erabaki zuen erakundearen esku dago soilik.
Zure interesekoa izan daiteke
Estebanek uste du hauteskunde orokorrak izango direla Espainian 2026an
La Sexta telebista-katean egindako elkarrizketa batean, EAJko presidenteak adierazi du Espainiako hauteskunde orokorrak aurreratu egingo direla. Horren ustez, 2026an izango dira, Espainiako legegintzaldiak ezin baitio gehiago eutsi. EAJren buruaren arabera, Pedro Sanchezek "ezin du bere burua ostruka baten antzera ezkutatu, ezta VOXen atzean ere".
Extremadurako bozek hauteskunde ziklo berri bat abiatuko dute gaur Espainiako Estatuan
09:00etan zabaldu dituzte hauteslekuak. 890.985 herritarrek dute botoa emateko eskubidea: 556.424k Badajozen eta 334.561ek Caceresen. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa jasoko du. Voxek eta Unidasek, aldiz, gora egingo dute, inkestek iragarritakoa betez gero.
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".